Ўзбекистонда беш йиллик алиментни олдиндан тўлаган фуқаронинг четга чиқиш чеклови бекор қилинди

Алимент ундириш ҳақидаги ижро ҳужжати даврий ундирув ҳисоблангани сабабли алимент тўловчиларнинг Ўзбекистон Республикасидан четга чиқиш ҳуқуқлари вақтинча бекор қилинади. Ўз навбатида чекловни бекор қилиш “Суд ҳужжатлари ва бошқа органлари ҳужжатларини ижро этиш тўғрисидаги”ги қонуннинг 42-прим 1-моддасига асосан амалга оширилади.

Бош прокуратура ҳузуридаги Мажбурий ижро бюроси Наманган вилояти бошқармасидан олинган маълумотга кўра, бюронинг Наманган шаҳар бўлими иш юритувида бўлган фуқаролик иши амалиётда кам учрайдиган тарзда ечим топди, деб ёзади “ЎзА” сайти.

Гап шундаки, фуқаролик ишлари бўйича Наманган туманлараро суди фуқаро Ҳ.У. га нисбатан бир фарзанди учун алимент тўлаш юзасидан ҳал қилув қарори чиқарган эди. Ҳ.У. собиқ турмуш ўртоғи Д.А. билан ўзаро келишув тузиб, беш йиллик алимент суммасини бир йўла олдиндан тўлашни маъқул топди ва суддан ижро этиш усули ҳамда тартибини ўзгартириш ҳақида ажрим чиқариб беришни сўради.

Мазкур мурожаат атрофлича кўриб чиқилиб, фуқаро Ҳ.У. 2024 йилнинг апрель ойига қадар жами 23 миллион 521 минг 200 сўм миқдоридаги алимент пулини тўлаб берадиган бўлди. Жорий йилнинг 22 апрель куни фуқаролик ишлари бўйича Наманган туманлараро судининг ажримига асосан унга нисбатан ижро этиш усули ва тартиби ўзгартирилиб, четга чиқиш бўйича чеклов олиб ташланди.

Бўлишинг:

Муҳаррир танлови

Фарғонада 34 ёшли куёв ўз қайн акасини ҳаётига аралашгани учун ваҳшийларча ўлдирди

Жанжалга оилавий келишмовчиликлар учун куёвини “тарбиялаб” қўйиш учун қайн аканинг аралашуви сабаб бўлган. “Jahon.uz”нинг ишончли вакили томонидан қўлга киритилган суд ...

Туркманистонда гўзаллик салонлари ёпилмоқда

Туркманистонда гўзаллик салонлари ёпилаётгани хабар қилинмоқда. Косметик хизматлар ва турли хил гўзаллик процедуралари тақиқланган. Ҳозирда фақат сартарошлар ишламоқда. Бу ...

Қўқонда вентилятор талашишиб ота ўғлини пичоқлади

Қўқонлик шартли исми Ботир бўлган шахс ишдан қайтгандан сўнг уйда вентилятор шабадасида дам олишни истайди. Аммо бу вақтда унинг ўғли Суҳроб ҳам салқинда дам олишни кўзлаб ...