Тимур Ишметов Молия вазирининг биринчи ўринбосари бўлди

Тимур Ишметов молия вазирининг биринчи ўринбосари этиб тайинланди. Бу ҳақда “Халқ сўзи“ нашри хабар берди.

Ишметов 2017 йилнинг 7 июнидан шу кунга қадар Марказий банк раисининг биринчи ўринбосари сифатида ишлаб келаётган эди.

Тимур Ишметов 1979 йилда Тошкентда туғилган. 2000 йилда Тошкент молия институтининг “Молия ва кредит” факультети, 2005 йилда Британиядаги Бирмингем университетининг International Money and Banking йўналишида магистратура босқичини, 2007 йилда -Тошкент юридик университетининг ҳуқуқшунослик факультетини тамомлаган.

Меҳнат фаолиятини 2000 йилда Марказий банк иқтисодчиси лавозимидан бошлаган. 2017 йил апрелигача турли лавозимларда фаолият кўрсатди. Жумладан, турли вақтларда МБнинг Монетар операциялар департаменти, Халқаро резервларни бошқариш департаменти, Ички валюта бозоридаги операциялар ва Валюта бошқаруви ва назорати департаментига раҳбарлик қилди.

Молия вазирининг аввалги биринчи ўринбосари Аҳадбек Ҳайдаров Давлат активларини бошқариш агентлигига раҳбар этиб тайинланган эди.

 

Бўлишинг:

Муҳаррир танлови

Ўзбекистонда доллар курси 3,62 сўмга қимматлади

Ўзбекистон Марказий банки 2019 йилнинг 9 июлидан хорижий валюталарнинг сўмга нисбатан қийматини белгилади. Янги қийматга кўра, АҚШ доллари курси бироз ошиб (+3,62 сўм), ...

Бензин тақчиллиги сабаби нимада: уни баратараф қилиш чоралари топиладими?

Кейинги пайтларда аҳолини нефть маҳсулотлари билан таъминлашда узилишлар юз бераётгани ҳаммамизга маълум ҳолат. Айниқса, вилоятларда бу тизим буткул издан чиққанига гувоҳ ...

Самарқандда миб ходими 600 доллар пора билан қўлга тушди

Фарид Абдуллаев Ўзбекистон Республикаси бош прокуратураси ҳузуридаги мажбурий ижро бюроси Самарқанд тумани бўлимида энергия ресурслари ва сувдан фойдаланиш тартибини назорат ...