Хуршида Тиллаевани алдашдими ёки ўзи адашдими?

Хуршида Тиллаеванинг ЎзАда чиққан сўзлари: «Мен адашдим. Кимларнингдир гапига қулоқ солиб, видеомурожаат тайёрлаб, ‘Озодлик’ка юборибман. Аслида қилган бу ишим нотўғри экан»

Ўзбекистон Миллий ахборот агентлиги (ЎзА, давлатнинг бош ахборот тарқатувчиси) мухбирлари Фахриддин Убайдуллаев ва Зуҳриддин Умурзоқовнинг ёзишича, андижонлик Хуршида Тиллаевага «атрофидаги фисқу-фасод тарқатувчи, тирноқнинг орасидан кир қидирувчи баъзи бир инсонлар… ‘Менга уй бериб, Президентимиз кетгандан кейин чиқариб юборишди, деб интернет орқали овоза тарқатсанг, коттеж-уйли бўласан’, деган. Табиатан содда қиз уларга ишонган».

«Мен адашдим. Кимларнингдир гапига қулоқ солиб, видеомурожаат тайёрлаб, ‘Озодлик’ка юборибман. Аслида қилган бу ишим нотўғри экан. Ахир аввал қандай оғир шароитда яшар эдик. Янги уйдаги шароитлар билан ер билан осмонча фарқи бор. Онам, укам, синглимга, қолаверса, опамга барча шароитларга эга уй берилганидан қалбимда фақат шукроналик туяман. Насиб этса, Мустақиллик байрами арафасида ўзим ҳам фарзандларим билан янги уйга кўчиб ўтаман. Худога шукр, бугун ишим бор, даромад топяпман, қизим Жасмина, ўғлим Аброрбек бағримда», — деб айтган Хуршида Тиллаева, агар ЎзАнинг ёзганларига ишонадиган бўлсак.

«Аввал, бундай уйларда яшашни ҳатто хаёлимизга ҳам келтирмаганмиз. Икки қизим турмушдан ажраган, ногирон фарзандим бор, яшаш шароитимиз жуда оғир эди. Янги уй қилиш биз учун фақат орзу эди. Давлатимизга, Президентимизга раҳмат. Биздай оддий инсонларга мана шундай кошона уйлар қуриб берилди. Қизим, кимларнингдир гапига кириб, нотўғри иш қилибди. Бундан мен жуда афсусдаман. Агар шунчалик эътиборга, кўмакка шукр қилмасак, гуноҳкор бўламиз», — деб қўшимча қилган Хуршида Тиллаеванинг онаси Ҳалимахон ая, агар ЎзАнинг ёзганларига ишонадиган бўлсак.

Эҳтимол, Хуршидахон бошқаларнинг фисқу фасодига учгандир, лекин қолган аёллар-чи?

Манба:daryo live

Бўлишинг:

Муҳаррир танлови

Фарғонада туғилган шавкатжон, зироатхон ва саидахоннинг отасига президент номидан cobalt совға қилинди

Фарғона вилоятининг Фарғона шаҳрида туғилган Шавкатжон, Зироатхон ва Саидахоннинг отасига Ўзбекистон Президенти номидан Cobalt машинаси совға қилинди. Бу ҳақда «Дарё» нашри ...

Ўзбекистонда тўй, ҳашамлар, оилавий тантаналар, маърака ва маросимлар тартибга солинади

Ўзбекистон Республикаси Олий Мажлиси Сенати Кенгаши ва Қонунчилик палатаси Кенгашининг мажлиси бўлиб ўтди. Унда Олий Мажлис палаталари Кенгашлари аъзолари, депутатлар, ...

Тошкентда ииб ходимини осилтириб олган нексия ҳайдовчиси қўлга тушди

11 март куни 1997 йилда туғилган фуқаро Д.Т. Нексия русумли автомобили олд қисмига ноанъанавий тарзда осилиб қолган ИИБ ходими билан ҳаракатланиб кетаётганда пиёдалар ...