Ўзбекистонда охирги уч йилда ўқувчилар ўртасида суицид кўпайган

2016 – 2018-йилларда ўрта мактаблар ва ўрта-махсус таълим тизимидаги ўқув муассасалари ўқувчилари ўртасида ўз жонига қасд қилиш кўпайган, жиноятчилик эса озайган.

Минбар.уз’нинг Халқ таълими вазирлиги маълумотига таяниб маълум қилишича 2016 йилда ўрта мактабларда ҳар 10 минг ўқувчидан 0,31 таси, касб-ҳунар коллежлари ва академик лицейларда эса ҳар 10 минг ўқувчидан 1,53 таси ўз жонига қасд қилган. Бу кўрсаткич 2018 йилга келиб 0,37 ва 2,10 тага ошган.

Жиноятчилик кўрсаткичлари эса камайган. 2016 йили ўрта мактабларда ҳар 10 минг ўқувчига 0,9 та жиноят тўғри келса, 2018 йилда бу кўрсаткич 0,7 тага тушган. Ўрта-махсус таълим муассасалари ўқувчилари ўртасидаги жиноятлар кўрсаткичи ҳам 2016 йилги 9,8 тадан 2018 йилга келиб 7 тага тушган.

2017 йили президент Шавкат Мирзиёев аввалги 9+3 ўқув тизимидан 11 йиллик мактаб таълимига ўтишни таклиф қилган эди. Шу таклифнинг афзалликлари ҳақида гапирилганда 11 йиллик таълимда ўқувчилар ўз ота-оналари назоратида бўлиши, бу эса ўқувчилар содир этадиган турли қилмишларнинг олдини олиши айтилган.

Янги 11 йиллик тизим бу борада қанчалик самара бериши ҳақида гапиришга ҳали эрта. Мактабларда 10-11-синфлар ҳали тўлиқ шаклланмаган. Ўсмирликнинг ўтиш даврида ўқувчиларнинг катта қисми ҳали ўрта махсус таълим тизимида. Ўз жонига қасд қилиш мактабларда ҳам, коллеж ва лицейларда ҳам кўпайган. Жиноятчилик эса ҳар иккисида пасайган.

Бўлишинг:

Муҳаррир танлови

Бухорода россия ва ўзбекистон ёшларини боғловчи ахборот портали яратилиши келишиб олинди

 Бухорода “Ҳамкорлик, ташаббус, инновация” дея номланган Ўзбекистон-Россия ёшлари фестивали бўлиб ўтди. Икки давлат ёшлар иттифоқи ўртасида имзоланган Англашув меморандумига ...

Президент қадри нуфузини ҳимоя қилайлик

Маърифати бор ҳар бир киши айни кунларда Президент обрўсини ҳимоя қилишга маъсул. Сабаб уни халқнинг ўзи сайлаган. Президент обрўси халқнинг обрўси. Унинг шаъни халқнинг ...

Пахтани четдан ҳашарчиларни жалб этмасдан йиғиб олиш мумкинми

Жамият 09:58 32025 Фото: Nuz.uz Ўзбекистон иқтисодиётининг рақобатбардошлигини белгилаб берадиган соҳаларга хом-ашё сифатида хизмат қиладиган маҳсулот — пахтани териб ...