Дилором Исҳоқова – забардаст аёл

Бугун ўзбек мухолифатининг ёрқин юлдузи, чорак асрдан кўп ҳаётини мухолифат оламида ўтказган, ўзбек мухолифатининг равнақ топишига баракали ҳисса қўшган, ўзларининг бетакрор ва серқирра асарлари, шеърлари, мақолалари билан кенг халққа танилган журналист, шоира, ижодкор, мухолифатдаги “Бирдамлик” Халқ демократик партиясининг фаоли, Бошқарув Кенгаши аъзоси Дилором опа Исҳоқованинг таваллуд топган кунлари.

Дилором опа ижод оламига ҳали талабалик йилларидаёқ дадил қадамлар билан кириб келган, ўткир мақолалари, жозибали шеърлари билан ўқувчилар қалбидан жой эгаллаган ижодкор. Дилором опани ноҳақликларга тоқатсизлиги, адолатсизликларга нафрати, топталаётган ҳақиқатларга бефарқ қарай олмаслиги каби ҳислатлари мухолифатчилар сафига олиб киради. Ёш ижодкор мухолифатда фаолият юритиш нақадар оғирлигини, хавф-хатарларга тўлалигини қалбан ҳис қилса-да, ҳақгўйлиги, тўғрисўзлиги, сохталикларни ниҳоятда ёмон кўриши уни бу йўлдан қайтара олмайди.

Дилором опа, тузумда мавжуд адолатсизликларга қарши шиддат билан курашади, манаман деган эркак кишилар қила олмайдиган эзгу ишларни зиммасига олиб, ҳақиқий мухолифат қандай бўлишини амалда намоён қилади. Бунинг эвазига қатор қийинчиликларга, асаббузарликларга дуч келади. Лекин шундай бўлса-да, танлаган йўлидан қайтмайди. Дилором опа, бугун ҳам шу йўлда!

“Бирдамлик” Халқ демократик партияси сафида партия фаолиятини ривожлантириш ишларида бош-қош ва ёшларга ўрнак.

Бугун Дилором опа таваллуд айёмини нишонламоқдалар. Ўзбек мухолифатида ўз ўрнига, ўз овозига, ҳурматига эга бўлган миллат жонкуяри, сиёсатчи, журналист, шоира Дилором опа 64 ёшга тўлдилар.

Қадрли Дилором опа, туғилган кунингиз билан чин қалбимиздан табриклаймиз. Сизга мустаҳкам соғлик, метин ирода, бахт-саодат ва фаолиятингизда муваффақиятлар тилаймиз.

Биз ҳамиша Сиз билан фахрланамиз.

Ҳурмат ва эҳтиром билан,

“Бирдамлик” ХДП раиси ва фаоллари

Бўлишинг:

Муҳаррир танлови

“сайлов – 2015” нинг якуний натижаси: ғолиб – баҳодир чориев!

ВСКнинг 30.03.2015 й.даги қарорига кўра, 22 мартда ВСКнинг сайловчилар овоз бериши учун мўлжалланган махсус Ҳисоблагич дастурига хакерлик ҳужуми бўлганлиги ва шундан кейин ...

Таниқли сиёсатчи баҳодир хон туркистоннинг таваллуд айёми

Азиз ватандошимиз, қадрдон БАҲОДИР ХОН ТУРКИСТОН! Мана шу унутилмас, шукуҳли дамларда сизни, навқирон ва шижоат ёши,  туғилган кунингиз билан чин қалбдан табриклаб, самимий ...

Раҳбарликдаги 10 ойлик меҳнат фаолиятим

Мухолифатдаги сиёсатчи бўлганлигим сабабли интернетда тез-тез ўз фикрларимни, нуқтаи назарларимни оммага билдириб бораман. Ўзбекистон Президентига сиёсий рақобатдаман, шу ...