Тошкент ва Москва ШҲТ доирасидаги ҳамкорликни муҳокама қилди

2014 йил 2 апрель куни Москвада Шанхай ҳамкорлик ташкилоти доирасидаги ҳамкорлик масалалари бўйича Ўзбекистон ва Россия ташқи ишлар вазирлиги даражасида маслаҳатлашувлар бўлиб ўтди. Бу ҳақда 3 апрель, пайшанба куни Ўзбекистон ТИВ матбуот хизмати хабар берди.

Хабар беришларича, маслаҳатлашувлар Ўзбекистон ва Россия Ташқи ишлар вазирлиги ўртасидаги 2014 йилги мўлжалланган ҳамкорлик Дастурига мувофиқ ўтказилган.

Томонлар мулоқот чоғида ШҲТ доирасидаги кўптомонлама ҳамкорликнинг кейинги истиқболи, шунингдек, ШҲТнинг 2014 йилга мўлжалланган асосий тадбирларини ўтказиш ва уларга тайёргарлик масалаларини муҳокама қилишди.