Ўзбекистонда болалар учун қачон футбол майдончалари қурилади?

Айтишингиз мумкин, футбол майдончалари ҳозир деярли ҳар бир маҳаллада биттадан бор деб. Лекин уларда таътилга чиққан кичик синф ўқувчилари маза қилиб тўп теполадими? Йўқ.

Чунки бу майдончаларга тўлашга уларда пул йўқ. Тадбиркорлар эса болаларга спорт майдончаси қураман деб, бизнес қилиб ётибди (омадини берсин). Аммо шўрлик болаларни ким ўйлайди? Улар ёз кунида “домлар” тагида, йўл бўйида, кўчанинг ўртасида тошдан, сумкалардан, ёғочлардан дарвоза ясаб, тўп тепишади.

Йўқ, бу 10 йил олдинги гап эмас. Йўқ, бу фақат қишлоқлардаги ҳолат эмас. Суратда акс этган ҳолат пойтахтда туширилган ва бундай болакайлар Тошкентда ҳам кам эмас. Улар қаерда ўйнасин? Шу саволларга биз жавоб тополмадик.

Стадионга борай деса, мактаб қоровули киритмайди. Бояги майдончаларга кириш пуллик. Спорт вазирлиги (бошқа мутасаддилар билан келишган ҳолда, албатта) болалар ва ўсмирлар учун маҳаллаларда спорт майдончалари қуриши ва улардан фойдаланишни текин қилиб қўйиши ҳаммамизга фойда эмасми?

Худо кўрсатмасин, машина йўлда бирор корҳол бўлса-чи? Ёки бола бетон ерга қаттиқроқ йиқилса-чи? Оғзи-бурнидан кираётган чанг-тўзонни айтмай турибмиз. Ҳурматли тадбиркорларимиз ўз болалари кўчада копток тепиб юришига қандай қарашаркин?

Хуллас, мактаблардаги стадионларни аввало эпақага келтириб, кейин уларни шу мактаб ўқувчилари учун очиб қўйиш керак. Ҳозирча энг осон ва тўғри йўл шу. Янги стадион қуриб, уни яна бошқа мақсадларда ишлатишни қайтариш шартмас.

Манба:@ZnewsZ

Бўлишинг:

Муҳаррир танлови

Ўзбекистонда шифокорни қасддан алдаб чақирган фуқаро 669 000 сўмгача жарима тўлайди

Шифокорни чақириш шошилинч тиббий ёрдам кўрсатиш учун зарур бўлганда амалга оширилади. Ушбу хизматдан туну кун фойдаланиш мумкин.  Шифокорни шошилинч равишда чақириш учун ...

Фарғона вилоят ҳокими ақтўбе қурбонлари оилаларига кўрсатилган ёрдамни миннат қилди

“Эшитиб қўйинглар, тошлоқликлар! Яна бечора вилоятликлар 80 миллион сўм ҳомийлик қилишга мажбур бўлди. Ҳар бири учун 5 миллион сўмдан. Буни таъна қилиш учун гапираётганим ...

Ўзбекистонда қувват берувчи ичимликларни вояга етмаганларга сотишни тақиқлашмоқчи

Ўзбекистонда қувват берувчи ичимликларни ўн саккиз ёшга етмаган шахсларга сотишини чеклаш режалаштирилмоқда. Парламент Қонунчилик палатасининг депутатлари тегишли қонун ...