Ўзбекистон аҳолисининг 62 фоизи 1,90 долларга кун кечиради

“Togri.uz” сайтининг ёзишича, Африка давлатлари қаторида Ўзбекистоннинг 62 фоиз аҳолиси қарийб 2 долларга кун кечириши таъкидланмоқда.

Жаҳон банки тайёрлаган докладга мувофиқ, кунига 1,9 доллардан кам маблағга яшаётган аҳолининг улуши Европа ва Марказий Осиёда 7 миллионни ташкил қилади. Ўзбекистон аҳолисининг 62.1 фоизи ҳам шу тоифага киритилган.

Таъкидланишича, 2010 йилда қашшоқликни камайтириш борасида эришилган ютуқларга қарамай, глобал миқёсда ўта камбағал одамлар сони номаълум даражада юқори бўлиб қолмоқда.

Дунё аҳолисининг 10 фоизи 2 долларга кун кечиради

Энг сўнгги ҳисоб-китобларга кўра, 2015 йилда дунё аҳолисининг 10 фоизи кунига 1,90 АҚШ долларидан кам пулга кун кечирган.

Қашшоқлик даражаси барча минтақаларда пасайган бўлса-да, тараққиёт нотекис бўлди: икки минтақа — Шарқий Осиё ва Тинч океани (47 миллион ўта камбағал аҳоли) ҳамда Европа ва Марказий Осиё (7 миллион киши) 2030 йилги мақсадга эришган ҳолда, ўта қашшоқликни 3 фоиздан пастга туширишди.

Африкада вазият жиддий

Ўта қашшоқларнинг ярмидан кўпроғи Африканинг Саҳросида яшайди. Аслида, минтақадаги камбағаллар сони 9 миллионга кўпайди ва 413 миллион киши кунига 1,9 АҚШ долларидан кам пул билан яшамоқда.

Агар тенденция давом этса, 2030 йилга келиб, ўта қашшоқ 10 кишидан 9 нафари Африканинг Саҳро минтақасида бўлади. Шунга қарамай, қарийб 2 долларга кун кечирадиган халқлар орасида Ўзбекистон Африка давлатлари қаторида эътироф этилади. Аммо ушбу маълумот 2003 йилда тўпланган бўлиб, Жаҳон банк маълумотлар базасида Ўзбекистоннинг кўрсаткичи ўтган йиллар ичида янгиланмаган.

Бўлишинг:

Муҳаррир танлови

Мамлакатни ким бошқараяпти? (20)

                                                         (йигирманчи мақола)                                         ИЛК БОРА ЮЗМА-ЮЗ                  Шуни очиқ айтишим ...

Наманганда яна кучли гумбурлаш овози эшитилди

Бугун, 14 декабрь куни тахминан соат 10:00 да Наманганда қаттиқ гумбурлаш овози эшитилган. UZ24 нашрининг хабарига кўра, UZ24 сайтининг ўқувчилари кучли зарбдан дераза ...

Тожикистон – ўзбекистон: ҳамжиҳатлик сари

Жаҳоннинг бирор мамлакатида тарихий бирлик ва дўстлик ҳақида тожик ва ўзбек халқларидек фахр билан гапира олмайдилар. Сўзлашув тилидагина фарқланувчи ўзбек ва тожик халқлари ...