Эквадор ҳукумати бензин нархи кўтарилгани сабабли уюштирилган норозилик намойишларидан сўнг пойтахтни тарк этди

Эквадор президенти Ленин Морено миллий телевидения эфирида мамлакат пойтахти Кито шаҳридан Тинч океани соҳилида жойлашган йирик шаҳар Гуаякилга кўчирилганини эълон қилди. Бу ҳақда Meduza хабарига асосланиб “Дарё” ёзмоқда.

Қарор 3 октябрь куни бензин ва дизел ёқилғисига субсидияларни бекор қилиш тўғрисидаги фармон имзоланганидан буён давом этаётган оммавий норозиликлар шароитида қабул қилинган. Норозилик намойишларини уюштиришда Морено ташқи кучларни айблаган.

Моренонинг айтишича, Венесуэла президенти, мустабид Николас Мадуро Эквадор собиқ президенти Рафаэл Корреа билан биргаликда ўзларининг беқарорлаштириш бўйича режаларини амалга оширди.

Морено Халқаро валюта фондидан ёрдам олиш мақсадида ёқилғига (1,3 миллиард доллар) субсидиялардан воз кеган. Оқибатда бензин ва дизел ёқилғиси нахи 123 фоизга ошган.

Бундай иқтисодий чораларга қарши намойишларда транспорт касаба уюшмалари, шунингдек, талабалар ва маҳаллий аҳоли вакиллари иштирок этган. Эквадорда 3 октябрдан фавқулодда ҳолат жорий этилган.

Норозилик намойишлари оқибатида 1 киши машина уришидан ҳалок бўлган. Намойишчиларнинг 477 нафари ҳибсга олинган.

 

Бўлишинг:

Муҳаррир танлови

Ўзбек аёли 77 ёшли британиялик миллионерга турмушга чиқди

Англияда 77 ёшли лорд-мусулмони Муҳаммад Илтаф ўзидан 45 ёш кичик ўзбек аёлига уйланди. Бу ҳақда “Даракчи” нашри Daily Mail хабарига таяниб ёзмоқда. Фото:dailymail 77 ёшли ...

Петербургда калтакланган ва зўрланган ўзбекистонлик аёл шифохонадан ўғирлаб кетилди

Россиянинг Санкт-Петербург шаҳрида бир гуруҳ ўзбекистонликлар томонидан зўрлангани айтилаётган аёлни касалхонадан ўғирлашда гумон қилиниб, ўзбекистонлик икки аёл ва ...

Ўзбекистон аҳолиси сони 33,72 млн кишига етди

Ўзбекистоннинг аҳолиси сони 1 октябрь ҳолатида 33,72 млн кишини ташкил этди, дейилади Давлат статистика қўмитасининг демографик вазият тўғрисидаги ҳисоботида. Шундай қилиб, ...