Facebook 400 миллион долларга Instagram учун гиф сервисини сотиб олди

Фото: Reuters

Facebook интернет аудиторияси орасида гифлар тарқатиши билан танилган Giphy сервисини сотиб олди. Бу ҳақда ташкилот расмий сайтида хабар берилган.

«Визуал ифода бўйича етакчи ҳисобланган GIPHY бизнинг компания сафига Instagram оиласининг бир қисми сифатида қўшилди. Оиламизга хуш келибсан, GIPHY», деб ёзилган Facebook расмий сайтида. Бу савдо Facebook учун 400 миллион долларга тушган.

Маълум бўлишича, Facebook бу дастурни ўзига тегишли бўлган Instagram учун сотиб олган. Эндиликда Instagram ҳамда Giphy бирлаштирилгач, Instagram фойдаланувчилари гифларни топиш учун илованинг ўзида қидирув беришлари кифоя бўлади. Ҳозирча Giphy асосчилари сервисга кириш имконига эга бўлишади ва улар фойдаланувчиларига ҳеч нарса ўзгармаслигини маълум қилишган.

Маълумот учун, Giphy дастури 2013 йил Алекс Чунг ҳамда Жейс Кук томонидан ташкил этилган. Facebook бунгача Instagram, WhatsApp каби хизматларни ҳам сотиб олганди. Ўтган йил давомида 70,7 миллиард доллар даромад қилган Facebook`нинг бозор нархи 633 миллиард доллар атрофида баҳоланган. Дунёдаги энг катта ижтимоий тармоқ ҳисобланган Facebook 2004 йил Марк Цукерберг томонидан яратилган ва унга ҳар ой ўртача 2 миллиард фойдаланувчи ташриф буюради.

kun.uz

Бўлишинг:

Муҳаррир танлови

Тадбиркор ҳақми ёки тошкент шаҳар божхона бошқармаси?

“Ўзбекистонда ишлаб чиқарилган” Бирор хорижий давлатда қўлингизга тушган маҳсулотда шу ёзувни ўқиб қолсангиз фахрланасизми? Мен фахрланаман. Навбатдаги журналистик текширув ...

«миллион» жамоаси салкам 200 миллион сўм давлат божи тўлаши керак!

Ўзбекистон Республикаси Вазирлар Маҳкамасининг 2015 йил 9 декабрдаги 354-сонли қарори билан тасдиқланган «Концерт-томоша фаолиятини лицензиялаш тўғрисида»ги Низомга мувофиқ, ...

“лукойл” ўзбекистонга қўшимча 3 миллиард доллар сармоя киритишни режалаштирмоқда

Россиянинг “Лукойл” ширкати Ўзбекистонга яна 3 миллиард доллар миқдорида сармоя киритишни режалаштирмоқда. Бу ҳақда ширкат президенти Вагит Алекперовга маълум қилди. ...