Latam Airlines авиакомпанияси банкрот бўлгани тўғрисида ариза берди

Latam ва унинг шўъба корхоналари Чили, Бразилия, Колумбия ва Перу ҳукуматлари билан қўшимча молиялаштириш борасида музокаралар олиб бормоқда.

Фото: Shutterstock

Latam Airlines Group авиакомпаниялар гуруҳи ва унинг Чили, Перу, Колумбия, Эквадор ҳамда АҚШдаги бўлинмалари банкротлик тўғрисида ариза берди.

Компания ўзининг икки йирик акциядори – Куэто ва Амаролар оиласи ва Qatar Airways авиакомпанияларининг 900 млн доллар миқдоридаги ёрдамини олганини билдирди. Компания ҳозирда 1,3 млрд долларга яқин маблағга эга.

“COVID-19 пандемияси бошланган вақтда Latam соғлом ва даромадли авиакомпания эди, аммо юзага келган ҳолатлар жаҳондаги талабнинг инқирозга учрашига сабаб бўлди ҳамда нафақат авиацияни тўхтатиб қўйди, балки соҳанинг яқин келажакдаги ҳолатини ҳам ўзгартириб юборди”, – деди авиакомпания ижрочи директори Роберто Алво.

Latam ва унинг шўъба корхоналари Чили, Бразилия, Колумбия ва Перу ҳукуматлари билан қўшимча молиялаштириш борасида музокаралар олиб бормоқда.

Коронавирус пандемияси сабабли халқаро авиақатновларнинг чекланиши жаҳондаги кўплаб авиакомпанияларни парвозларни тўхтатишга мажбур қилди.

Аввалроқ Германия ҳукумати коронавирус пандемияси сабабли оғир вазиятда қолган Lufthansa авиакомпаниясига ёрдам беришга қарор қилганди.

https://kun.uz/news/2020/05/26/latam-airlines-aviakompaniyasi-bankrot-bolgani-togrisida-ariza-berdi

 

Бўлишинг:

Муҳаррир танлови

Янги йилнинг биринчи куни ўзбекистонда 1442 нафар чақалоқ туғилди

2019 йилнинг 1 январь куни, соат 19.00 ҳолатига кўра, Ўзбекистонда 1442 нафар чақалоқ туғилди, деб ёзмоқда “Kun.uz” нашри. Иллюстратив фото Соғлиқни сақлаш ...

Тошкентда йўлларини назорат қилиш учун иккита вертолёт сотиб олинади

ИИББ йўлларни вақтинча ҳарбий вертолётда назорат қилади. Кейинчалик ушбу мақсад учун махсус вертолётлар сотиб олинади. Ички ишлар вазирлиги йўллардаги вазиятни назорат қилиш ...

Ўзбекистонда ҳомиладорликни сунъий равишда тўхтатишга рухсат берилди

Шавкат Мирзиёев «Фуқароларнинг репродуктив саломатлигини сақлаш тўғрисида»ги Қонунни имзолади, деб ёзади «7news.uz» сайти. Иллюстратив фото:cabresto.blogspot.com Қонунда ...