Оқ уй Болтонни китоби сотувидан оладиган даромаддан маҳрум қилмоқчи

Аввалроқ АҚШ президенти Дональд Трамп Болтон давлат сирларини ўз ичига олган китобини чоп этгани учун жиддий жавобгарликка тортилиши лозимлигини билдирганди.

Фото: Getty Images

АҚШ ҳукумати президент Дональд Трампнинг собиқ ёрдамчиси Жон Болтонни ёзган китоби сотувидан оладиган даромаддан маҳрум қилиш ниятида. Бу ҳақда Оқ уй матбуот котиби Кейли Макинэнининг баёнотида айтилган.

“Ҳукумат унинг пулга ўчлигини миллий хавфсизликни ҳимоя қилишдан юқори қўйган шармандали қарори ортидан даромад олишига йўл қўймаслик ниятида”, – деди у.

АҚШ президентининг матбуот котиби суд китоб аллақачон тарқаб кетганлиги учунгина уни чоп этишни тақиқламаганлигини, чунки бунга кеч бўлганлигини қайд этди.

Аввалроқ АҚШ президенти Дональд Трамп Болтон давлат сирларини ўз ичига олган китобини чоп этгани учун жиддий жавобгарликка тортилиши лозимлигини билдирганди.

Колумбия округи суди АҚШ Адлия вазирлигининг Болтон ўз китобида махфий ахборотни ошкор қилганлиги учун китобни чоп этишни тақиқлаш тўғрисидаги даъвосини рад этди ва китоб сотувга чиқарилишига рухсат берди.

Фото: AP

АҚШ президентининг миллий хавфсизлик бўйича собиқ маслаҳатчиси Жон Болтоннинг мемуари «Бу воқеа содир бўлган хона: Оқ уй мемуарлари» (The Room Where It Happened: A White House Memoir) деб номланади. Китоб сотуви 23 июндан бошланиши мўлжалланган. АҚШдаги қатор газеталар китобдан парчалар берди.

Ўзининг 576 саҳифадан иборат китобида 71 ёшли Жон Болтон АҚШ президенти Дональд Трамп маъмуриятида ўтказган 17 ойи ҳақида сўз юритган.

https://kun.uz/news/2020/06/21/oq-uy-boltonni-kitobi-sotuvidan-oladigan-daromaddan-mahrum-qilmoqchi

Бўлишинг:

Муҳаррир танлови

Осиё кубоги-2019. ўйинлар қайси стадионларда бўлиб ўтади?

БАА мезбонлик қилувчи Осиё Кубоги бошланишига оз муддат қолди. Осиё Кубоги ўйинлари 4та шаҳарда жойлашган 8та стадионда бўлиб ўтади. Абу Дабида 3та, Дубай ва Ал Айнда 2тадан, ...

Германияда коронавирус юқтирганлар сони расман тасдиқланганидан 10 марта кўпроқ бўлиши мумкинлиги айтилди

Жонс Ҳопкинс университетининг маълумот беришича,, Германияда коронавирусга чалинганлар сони 166 мингдан ортиқ бўлиб, 6 993та ўлим ҳолати қайд этилган. Фото: AP Германияда ...

Полиция москвага кириш йўлларини назорат остига олди

Кейинги суткада Россияда ушбу касалликка чалиниш билан боғлиқ 1667 та ҳолат қайд этилди, жами ҳолатлар сони 13,5 мингдан ошди, 100дан ортиқ киши вафот этди. Энг кўп бемор ...