Бошқа мавзуларПокистон ички ишлар вазири Рашид Аҳмаднинг 3-февралда маълум қилишича, Балужистон провинциясидаги иккита ҳарбий базага ҳужум уюштирилган. Тўрт аскар ва 15 исёнчи ҳалок бўлган.
Ҳужум учун масъулиятни “Балужистон озодлик армияси” деб номланган бўлгинчилар гуруҳи ўз зиммасига олди. Ўтган ҳафта гуруҳ Гвадар порти яқинидаги ҳарбий постга ҳужум қилиб, ўн нафар аскарни ўлдирган эди. Бош вазир Имрон Хон аскарлар “қаҳрамонларча қурбон бўлганини” маълум қилган.
Балужистонда партизан гуруҳлар ўн йиллардан бери ҳукуматга қарши акциялар ўтказиб келади. Исломобод Ҳиндистонни бўлгинчи гуруҳни қўллаб-қувватлашда айблайди. Нью-Деҳли бу айбловларни рад этиб келади.
