Бошқа мавзуларСўнгги кунларда ўз фуқароларига Украинани тарк этишни маслаҳат берган давлатлар сони ортиб бормоқда. Сўнгги маълумотларга кўра, бундай таклифлар 35 давлат фуқароларига билдирилган.
Аввалроқ 20 га яқин давлат ҳарбий можародан қўрқиб, ўз фуқароларига Украинани тарк этишни маслаҳат берган. Улар орасида Австралия, Буюк Британия, Латвия, Исроил, Канада, Греция, Янги Зеландия, Нидерландия, Норвегия, АҚШ, шунингдек, Финляндия, Черногория, Эстония, Жанубий Корея, Япония, Белгия, Германия ва Литва бор.
Кувайт, Ироқ, Италия, Испания, БАА, Саудия Арабистони, Швеция, Словения, Иордания, Фаластин, Марокаш, Люксембург, Багама ороллари, шунингдек, Шимолий Македония, Албания, Болгария, Баҳрайн ва Кипр кеча тунда рўйхатга қўшилди.
Ўз навбатида, Европа Иттифоқининг ташқи ишлар ва хавфсизлик сиёсати бўйича олий вакили Жосеп Боррель Европа Иттифоқи Украинадаги дипломатик ваколатхоналарини ёпмаслигини маълум қилди.
Эслатиб ўтамиз, 11 февраль куни АҚШ Давлат котиби Россия исталган вақтда, жумладан Пекин Олимпиадаси вақтида ҳам Украинага ҳужум қилиши мумкинлигини айтган эди. АҚШ президенти Жо Байден Россиянинг Украинага “бостириб кириш” кунини 16-февралга белгилади.
