Бошқа мавзуларРоссия армияси Украинадаги махсус ҳарбий операциясини қўйилган мақсадларга эришилгунга қадар давом эттиради. Бу ҳақда Россия мудофаа вазири Сергей Шойгу баёнот берди.
Шойгунинг сўзларига кўра, операция фақат ҳарбий қўшинларга ўзгача тактикадаги қуроллар ёрдамида амалга оширилмоқда. Россия армиясининг Украинага бостириб кириш нияти йўқ, тинч аҳоли ҳаёти ва хавфсизлигини ҳимоя қилиш учун барча чоралар кўрилади.
Шойгу, шунингдек, август ойида бўлиб ўтадиган “Армия-2022” форуми вақтида антифашистик конгресс ўтказилишини маълум қилиб, Россия армиясининг асосий вазифаси Россияни Ғарбдан келаётган ҳарбий таҳдидлардан ҳимоя қилиш эканини қўшимча қилди.
Эслатиб ўтамиз, 24-февраль куни Россия президенти Владимир Путин ҳарбий операция бошланганини маълум қилган эди. Украинанинг бир қанча шаҳар ва вилоятларида портлашлар ва отишмалар содир бўлди. Олти кундан бери Россия армияси бутун Украинага ҳужумлар ва бомбардимон қилишда давом этмоқда. Шу туфайли Ғарб давлатлари Россияга қарши қатор санкциялар эълон қилган.
