Туркманистонда ортиқча нон сотиб олганлар 15 суткагача қамоққа олиниши мумкин

Туркманистон ҳукумат ун танқислиги сабабли давлат дўконларида нон савдоси устидан назоратни кучайтирди. Пойтахт Ашхободда ҳуқуқ-тартибот идоралари ходимлари етарли миқдорда нон сотиб олган фуқароларни аниқлашга ҳаракат қилмоқда. Бунинг учун улар видео ва фотокамералардан фойдаланмоқда.

Шунингдек, полиция дўконларни назорат қилиб, навбатда турган одамларни суратга ва видеога олишга ҳаракат қилмоқда.

“Улар талаб қилинган меъёрдан ортиқча нон сотиб олмоқчи бўлган мижозлар 15 суткага ҳибсга олиниши ҳақида огоҳлантирмоқда”, — деди ашхободликлардан бири.

Ҳозирда Туркманистоннинг давлат дўконларида ҳудудларга қараб икки ёки уч бўлак арзон нон берилмоқда. Айрим ҳудудларда ҳар куни эрталаб соат 5:30 дан бошлаб арзон нон олиш учун узун навбатлар юзага келмоқда.

Ун сотишда мансаб ваколатини суиистеъмол қилган бир неча юқори лавозимли амалдор ҳибсга олингани айтилмоқда.

Табиий газга бой авторитар мамлакат охирги йилларда қашшоқлик ва иқтисодий қийинчиликларга дуч келди.

Бўлишинг:

Муҳаррир танлови

Тожикистонда қамоқда ўтириб, гиёҳванд моддалар савдосини назорат қилувчилар фош қилинди

Тожикистон махсус хизматлари Душанбадаги қамоқхоналардан бирида жазо муддатини ўтаётган бўлишига қарамай Тожикистон-Афғонистон чегараси орқали гиёҳванд моддалар олиб ...

Ўзбекистонда ҳайдовчилик гувоҳномасини янгисига алмаштирилиши керак бўлади

Телеграмдаги "Ҳуқуқий ахборот" канали ҳайдовчилик гувоҳномасини янгисига алмаштириш ҳақида кўп сўраладиган саволларга жавоб берди: Ҳайдовчилик гувоҳномасини янгисига ...

“она тилимиз — менинг ватанимдир”

Ўзбекистон халқ ёзувчиси Пиримқул Қодиров она тилимизнинг бетакрорлиги, унинг ўзига хосликларини тадқиқ этиш бўйича доимий изланишда. Яқинда нашр этилган “Тил ва эл” бадиаси ...