Бошқа мавзуларУкраинанинг Полтава вилоятидаги Кременчуг шаҳридаги савдо марказига келиб тушган Россиянинг ракетасидан камида 13 киши ҳалок бўлиб, 50 киши яраланди. Бу ҳақда вилоят ҳарбий бошқармаси раҳбари Дмитрий Лунин маълум қилди.
Украина ҳукумати рус кучлари томонидан отилган ракета «Амстро» савдо марказига келиб тушган ва бино ёниб кетган.
Президент Владимир Зеленский Телеграм каналига жойлаган видеода марказ ёнаётганини кўриш мумкин. Ҳозирча ушбу видео ўша ҳудудда олинганми ёки йўқми аниқлаш мумкин эмас. Президент зарба «мингдан ортиқ одам бўлган савдо марказига келиб урилганини” айтиб, қанча одам ҳалок бўлганини «тасаввур қилиш қийин» деб билдирди.
«Бу маскан рус армияси учун таҳдид яратган эмас, ҳеч қандай стратегик аҳамиятга ҳам эга эмас эди. Оддий одамларнинг нормал ҳаёт кечиришга уринишлари русларни ғазаблантирмоқда», деб ёзди Украинанинг давлат раҳбари.
Кўплаб далилларга қарамай, Москва фуқаровий объектларни нишонга олмаётганини айтиб келади.
