Кексаларни эъзозлаш йили”нинг кекса сиёсий маҳкумларга шафоати тегадими?

keksalarni-ezozlash-yiliЎзбекистон Республикаси Адлия вазирлигининг миллий қонунчилик базасида пайдо бўлган хабарга кўра, “Кексаларни эъзозлаш йили” давлат дастурининг қабул қилиниши муносабати билан Ўзбекистон Республикаси Жиноят Кодексининг 50-моддасига ўзгартириш киритилади.

Мазкур ўзгартиришга мувофиқ, Жиноят Кодексининг махсус қисмида жазо муддатини ўтаётган кексалар, яъни 60 ёшга тўлган фуқароларга нисбатан жазони ижро этиш чоғида енгилликлар берилади. Давлат дастури туфайли қонунчиликка киритилган ўзгартириш сабабли 60 ёшга тўлган маҳкумларнинг жазо муддатлари 4/3 қисмга, яъни 75 фоизга қадар қисқартирилади.

Аммо хабарларда мазкур ўзгартиришнинг Ўзбекистон Республикси Олий Мажлиси Сенати томонидан чиқариладиган умумий афв – Амнистияларга тааллуқлиги борасида маълумотлар келтирилмаган. Шуни алоҳида таъкидлаш керакки, ҳозирда жазо муддатларини ўтаётган фуқаролик жамияти вакиллари – Мурод Жўраев, Солижон Абдураҳмонов, Бобомурод Раззоқов ҳамда Аъзам Турғуновлар аллақачон 60 ёшдан ўтган, аммо қатор йиллардаги амнистия эпкини уларни четлаб ўтмоқда. Жазо муддатларини бир неча марта ўтаб бўлган Мурод Жўраевга 3 марта муддат қўшиб берилди, бошқа дўстларимизга эса умумий авфлар қўлланилмаяпти.

Ўзбекистон инсон ҳуқуқлари “Эзгулик” жамияти Ўзбекистон Ички ишлар вазирлигининг Жазони ижро этиш Бош бошқармаси ва Республика Бош прокуратурасини “Кексаларни эъзозлаш йили” давлат дастурининг қабул қилиниши муносабати билан Ўзбекистон Республикаси Жиноят Кодексининг 50-моддасига киритилган ўзгартиришга мувофиқ, юқорида номлари келтирилган фуқаролик жамияти вакилларини озод қилишга чақиради.

Ўзбекистон инсон ҳуқуқлари “Эзгулик” жамияти

Бўлишинг:

Муҳаррир танлови

Жаҳонгир ортиқхўжаев :«akfa акцияларига эгалик қиламан, бироқ бошқарувни бошқаларга топширдим»

Тошкент ҳокими Жаҳонгир Ортиқхўжаев Akfa компанияси акцияларига эгалик қилишини, бироқ уни бошқаришни бошқа инсонларга топширганини маълум қилди. Тошкент ҳокими Жаҳонгир ...

Кобул дусов “адолат” партиясига қабул қилинмади

18 октябрь куни Халқ депутатлари Бўстонлиқ тумани Кенгаши депутати Кобул Дусов Фейсбукдаги саҳифасида «Мен миллий тикланишимиз учун «Адолат»ни танладим, чунки адолатсиз ...

Аёл ўз эрини бошига тахта билан уриб ўлдирди

Самарқанд вилоятининг Пастдарғом туманида 8 сентябрь куни “Галатут” МФЙда яшаган Ф.Х. уйидан тан жароҳатлари билан касалхонага олиб келинганида вафот этган. Бу ҳақда ...