БМТ дан янги байрам: “Жаҳон пул ўтказмалари куни”

БМТ радиосининг хабар беришича, бу йил 15 мартда илк бор Жаҳон пул ўтказмалари куни нишонланади.

Байрам  ташаббусчилари, жумладан, Халқаро миграция ташкилоти муҳожирларнинг пул ўтказмалари учун олинадиган харажатларни қисқартирилишини истамоқда.

15 март куни меҳнат муҳожирлари оилаларига пул ўтказмаларини бепул жўнатишлари мумкин бўлади, шунингдек, валюта алмаштирганлари учун комиссион тўлов ҳам олинмайди. Кўпгина мамлакатлардаги оилалар учун чет элда ишлайдиган яқинлари жўнатадиган пул тирикчилик ўтказиш учун ягона манбадир.

Дунё бўйича 700 миллион киши пул ўтказмалари ҳисобидан кун кечиради. Бир қатор мамлакатлар, хусусан, Молдова, Қирғизистон ва Тожикистонда хориждан келадиган пул ўтказмалари ялпи ички маҳсулотнинг чорагидан тортиб қарийб ярмигача бўлган қисмини ташкил этади.

Хабарда айтишилича, Африка мамлакатлари пул ўтказмалари билан боғлиқ турли тўловлар туфайли йилига 1,9 миллиард доллардан маҳрум бўлади. Агар пул жўнатиш учун харажатларни 10 фоиздан 5 фоизга туширилса, 15 миллиард доллар сарфланишининг олди олинади.