Бошқа мавзулар
Россия Федерал миграция хизматининг Москвадаги бўлими меҳнат муҳожирларининг қонуний фаолиятини тартибга солувчи база ташкил қилишни режалаштирмоқда. Бу ҳақда Москва шаҳар Думасининг вакили Алексей Шапошников ўзининг фейскбуки орқали маълум қилган.
Хабарда у Россия Федерал миграция хизматининг Москва бўлими раҳбари Ольга Кириллова билан шу масала бўйича учрашув ўтказилгани ҳақида ёзган.
Шапошниковнинг айтишича, айни вақтда мамлакатда қонуний меҳнат муҳожирлари ноқонуний ишлайдиганларидан 10 баробар камни ташкил қилади. У қонуний фаолият кўрсатувчи меҳнат муҳожирларининг аксар қисми пойтахт ҳудудига тўғри келишини, Москвадаги кўрсаткичлар ўтган йилдагига қараганда 2 баробарга яхшиланганини қайд этган. Москвада 812 минг нафар хорижий меҳнат муҳожирларига махсус меҳнат патентлари берилган.
Бундан ташқари, Федерал миграция хизмати Москванинг чекка ҳудудларида яшовчи ва ишловчи меҳнат муҳожирларини назорат қилишни режалаштирмоқда.
