Россия ва Ўзбекистон ўртасида товар айланмаси 31 %га пасайди

import-exportЖорий йилнинг икки ойида Россиянинг Марказий Осиё мамлакатлари билан товар айланмаси пасайгани қайд этилди.

Россия Федерал божхона хизмати маълумотига кўра, 2015 йилнинг январь-февраль ойларида Қозоғистон билан товар айланмаси 22 фоизга пасайган. Ўтган йилнинг дастлабки икки ойида Россиядан Қозоғистонга экспорт ҳажми $1939,8 млн.ни ташкил этган бўлса, жорий йилда бу кўрсаткич $1544 млн.га тенг бўлди. Қозоғистондан Россияга импорт ҳажми эса $850 млн.га тенг бўлди (ўтган йилнинг январь-февралида – $1128,6 млн.).

2015 йилнинг йилнинг январь-февраль ойларида Россиянинг Ўзбекистон билан товар айланмаси ҳажми 31 фоизга пасайган. Россиядан Ўзбекистон экспорт ҳажми $302,4 млн.га (ўтган йилнинг шу даврида – $411,8 млн.), Ўзбекистондан Россияга импорт ҳажми эса $78 млн.га ($139,7 млн.) тенг бўлди.

Россиянинг Қирғизистон, Тожикистон ва Туркманистон билан товар айланмаси асосан Россия экспорти билан белгиланади. Жорий йиднинг илк икки ойида Россиянинг Қирғизистонга экспорт ҳажми 12 фоизга ($292,9 млн.дан $258,8 млн.га), Тожикистонга 6 фоизга ($114,7 млн.дан $107,5 млн.га), Туркманистонга 20 фоизга ($144,3 млн.дан $116,4 млн.га) пасайган.

Федерал божхона хизмати маълумотига қараганда ўтган икки ойда Россиянинг умумий ташқи товар айланмаси ҳажми 83,9 миллиард долларга тенг бўлди. Ўтган йилнинг шу даври билан таққосланса, бу 28,8 фоизга камдир.

Бўлишинг:

Муҳаррир танлови

Жаҳон банки водийлик тадбиркорларига 200 миллион доллар кредит беради

Жаҳон банкининг Директорлар кенгаши Фарғона водийси вилоятларида қишлоқ жойларда тадбиркорликни ривожлантириш учун 200 миллион доллар кредит беришни маъқуллади, Бу ҳақда банк ...

«лукойл» ўзбекистондаги лойиҳаларга 2 млрд долларлик сармоя киритади

Россиянинг «Лукойл» компанияси Ўзбекистонда амалга оширилаётган лойиҳаларга 2 млрд доллар сармоя киритиб, янги блокларда разведка ишларини ўтказишни режалаштирмоқда, дея ...

Тошкентда 1 миллиард сўмдан ошиқ пулга сотиб олинган уй сифатсиз чиқди

Ўзбекистон истеъмолчилар ҳуқуқларини ҳимоя қилиш жамиятлари федерацияси Тошкент шаҳар ҳудудий бирлашмасига фуқаро Акрамов Даврон мурожаат қилди. Аризага янги сотиб олинган уй ...