Янги Korzinka.uz да эски усуллар

Маҳалламизда, Қӯйлиқ мавзеси қоқ марказида “Корзинка.уз” супермаркети очилди. Эрталабдан карнай-сурнай садоси янгради. Супермаркет ичи ва ташқариси оломан билан лиқ тӯла. Ҳар доим машиналар тирбандлиги устун бӯлган мавзеимизда бугун тирбандлик янада кучли.

Супермаркетдаги нархлар атрофимиздаги бошқа дӯконлар, шунингдек, бозорлардаги нархлардан 50, 100, 200, 500, 1000, 2000 сӯмгача арзонроқ.

Деярли барча маҳсулотлар нархига тийин, майда чақа суммаси қӯйилган. Масалан, 1 литрли “Кока-кола” ичимлиги 4990 сӯм, 1 кг банан 14490 сӯм.

Маълумки, Ӯзбекистонда миллий валютамиз сӯм муомалага киритилган пайтда 10, 25, 50, 100 сӯмликлар танга шаклида жорий қилинган. Мазкур тангалар гарчи ҳозирги кунгача Ӯзбекистон Республикаси Марказий банки томонидан расман муомаладан чиқарилмаган бӯлса-да, аммо сӯнгги 5-10 йил ичида деярли муомалада йӯқ. 100 сӯмлик танга пул бундан мустасно. Ушбу суммалар савдо-сотиқ муомаласида харидорга қайтим сифатида берилмайди. Майда пуллар сӯмнинг жиддий инфляцияга учраши туфайли савдо муомаласида лаёқатсиз ҳолга тушгани маълум. Аммо шундай бӯлса-да, бухгалтерия ҳисоб-китоб ишларида, нарх белгилашда майда чақалар қӯлланилмоқда.

Корзинка.уз. супермаркетига кирганимизда Ӯзбекистонда кенг тарқалган усуллардан бири, яъни харидорларнинг 100, 200, 500 сӯм қайтими ӯрнига бошқа барча дӯконлардагидек гугурт, сақич, қурт, конфетчалар бериш усули, истеъмолчини нокерак нарсалар билан мажбурий таъминлаш,  шунингдек, харидорга қайтарилиши лозим 10 сӯмдан 90 сӯмгача бӯлган қайтимларни ҳеч қандай

огоҳлантиришларсиз дӯкон ғазнасига тушириш усули устунлигига амин бӯбӯлдикБу эса замонавий савдо тармоғи нуфузига соя солиб турибди.

Агар Корзинка.уз. ӯзларининг маҳсулотларига қӯйган бугунги нархни сақлаб қолса у ҳолда келажакда мижозлар қадами узилмайдиган савдо масканига айланади.

Аммо Ӯзбекистон шароитида  бундай усулга амал қилиш қийинроқ.

Муаллиф: Рўзибой Азимий

Бўлишинг:

Муҳаррир танлови

Apple ширкатининг apple watch ақлли соатлари апрелдан сотувга чиқади

Apple ширкати Сан-Франциско шаҳридаги маросимда Apple Watch деб аталувчи ақлли соатлари нархини эълон қилди. Ширкат вакилларига кўра, Apple Watch ақлли соатлари 24 апрелдан ...

“нима учун бизда ишламоқчисиз?” саволига қандай жавоб бериш керак?

"Нима учун бизнинг компаниямизда ишламоқчисиз?". Бу савол эртами-кечми ишга жойлашаётган ҳар бир инсонга берилади ва унга жавоб беришнинг бир неча кенг тарқалган турлари ...

Ўзбекистонда пиллачилик билан шуғулланувчи хонадонларга бепул 50 бош парранда берилади

Ўзбекистон вилоятларида пиллачилик билан шуғулланувчи хонадонларга 50 бошдан 90 кунлик парранда ва тут кўчатларини шартнома асосида бепул етказиб берилади. Бу ҳақда ...