Саакашвили сўроққа келишдан бош тортди

Грузия собиқ президенти, Одесса вилоятининг собиқ губернатори, Украинадаги “Янги кучлар исёни” ҳаракати раҳбари Михаил Саакашвили Украинада давлат тўнтариши борасидаги иш бўйича сўроққа келишдан бош тортди. Бу ҳақда “Украинская правда” маълум қилди.

Ҳаракат матбуот котиби Марьяна Почтарнинг нашрга маълум қилишича, Саакашвили бирор бир процессуал ҳужжат олмаган ва имзоламаган. Унинг айтишича, 6 декабрь куни Саакашвили Олий Рада деворлари ёнида брифинг ўтказади, юристлар билан вазиятни муҳокама қилади.

Бундан аввал сешанба куни Украина бош прокурори Юрий Луценко Олий Радада чиқиш қилар экан ҳибсга олинган ва ўз тарафдорлари томонидан озод қилинган Саакашвили “қочоқ” мақомида эканлигини маълум қилган эди. Луценконинг сўзларига қараганда, сиёсатчи ўзининг ҳатти-ҳаракатлари билан унга нисбатан кўрилаётган уй қамоғи кўринишидаги эҳтиёт чораси имкониятларини гумон остига қўйди. Луценко Саакашвилига ўз ҳоҳиши билан ҳуқуқ-тартибот идораларига таслим бўлиш учун 24 соатлик муҳлат берди.

6 декабрь куни эрталаб Бош прокуратура матбуот котиби Лариса Сарган ўзининг Twitter’даги саҳифасида Саакашвилига қидирув эълон қилинганини маълум қилди. Бугун полиция мухолифатчи сиёсатчининг тарафдорлари томонидан Олий Рада олдида ташкил этилган чодирлар лагерини ишғол қилишга ҳаракат қилди. Шундан сўнг Саакашвили Украина президенти Петр Порошенкога мурожжат қилиб иғволарни тўхтатишга ва тарафдорларига бўлаётган ҳужумларни бас қилишга чақирди.

Украина расмийлари Михаил Саакашвилини давлат тўнтариши содир этишга уриниш ҳамда Украинада норозилик намойишларини келтириб чиқариш мақсадида Евромайдондан сўнг Россияга қочиб кетишга мажбур бўлган, Виктор Януковичга яқин бўлган олигарх Сергей Курченкодан ярим миллион доллар олганликда айбламоқда.

Бўлишинг:

Муҳаррир танлови

Дунёда 38 миллион киши ўз юртида дарбадар

БМТнинг Қочқинлар бўйича олий комиссари бошқармаси маълумотига қараганда, дунё бўйича 38 миллион киши турли низолар ва инсон ҳуқуқларининг қўпол бузилиши туфайли ўз юртида ...

Визасиз ташрифлар рейтинги эълон қилинди

Буюк Британиянинг "Henley & Partners" халқаро консалтинг компанияси паспортлар индексининг янгиланган версиясига оид ҳисоботни чоп этди. Унда 2018 йил чорак ҳисобида дунё ...

Исроил парламенти яҳудийларнинг “миллий ватани” тўғрисидаги қонунни қабул қилди

Исроил парламенти 19 июль куни “Давлатнинг яҳудийча характери тўғрисида”ги қонунни қабул қилди. Мазкур қонунда Исроил “яҳудий халқининг миллий ватани” сифатида белгилаб ...