Қозоғистонда 200га яқин кончи норозилик акциясини ўтказмоқда

Қарағанда вилоятидаги конда тунги сменада ишлаган 200га яқин кончи смена вақти туганидан сўнг 11 декабрь куни эрталаб юқорига чиқишни истамади. Норозилик акцияси ўтаётган шахта тегишли бўлган «АрселорМиттал Темиртау» компанияси ишчиларнинг бу акциясига рухсат берилмаганини маълум қилди.

Иш берувчи-компания маълумотларига кўра, тўртта шахтадан айрим кончилар тепага чиқишни истамади. «Қолган шахталар одатдагидек фаолият юритмоқда», – дейилади компания хабарида.

Қарағанда вилояти ҳокимлиги вазият назоратга олинганини айтар экан, «компания ва “Коргау” кончиларининг касаба уюшмаси раҳбарияти иштирокида меҳнат қонунчилигида кўзда тутилганидек мулоқот бошланганини” маълум қилди.

Келаётган маълумотларга кўра, норозилик акцияси иштирокчилари ойлик маошлари оширилишини, меҳнат шароитлари яхшиланишини, кончилар учун пенсия имтиёзлари қайтарилишини талаб қилмоқда. «Коргау» кўмирчилари касаба уюшмаси раиси Марат Миргаязовнинг телефонлари айни дамлда ўчирилган. Хабарларга кўра, у вилоят хокимиятида музокаралар олиб бормоқда.

Бу Қарағанда вилоятида кончилар томонидан сўнгги икки ҳафтада ўтказилган иккинчи норозиликдир. Ноябрь ойи сўнгида Сатпаев шаҳрида Жанубий Жезқазған конида ўнлаб кончилар норозилик билдирган эди. Улар смена вақти тугаши билан юқорига чиқишдан воз кечди. Улар маошлар оширилишини, пенсияга қўшимча берилишини талаб қилишди. Ўшанда норозилик акциясига юқорида ишловчибир неча ходимлар ҳам қўшилган эди. Кўп ўтмай иш берувчи –«Казахмис» корпорацияси меҳнат баҳси барқарорлашганини маълум қилган эди.

Бўлишинг:

Муҳаррир танлови

Шуҳрат барлос: “бу иллатдан қутулмагунча ўзбекни пешонаси шўр бўлиб юраверади”

Турли гуруҳларда бўлаётган баҳсларга эътибор бераман ва баъзида ҳайрон қоламан. Миллий тарих, миллий тил ва адабиёт, ўзбекнинг маънавий-маърифий масалалари ҳақида баҳс ...

Жазо муддатини икки баравар ўтаган “бирлик” фаоли қамоқдан чиқди

“Бирлик” халқ ҳаракати партиясининг Наманган вилояти раиси бўлиб ишлаган 70 яшар Муҳаммадали Қорабоев 11 йиллик қамоқдан сўнг озодликка чиқди. (more…)

Риштон халқи 750 йиллик дарахтларни тарихий мерос сифатида сақлаб қолишмоқчи

Ўтган ҳафта Фарғона вилояти, Риштон тумани марказидаги 50-80 йиллик забардаст чинорлар кесилаётгани ҳақида хабарлар тарқалган эди. Катта йўлни кенгайтириш мақсадида дея йўқ ...