Харажатларингизни назорат қила оласизми? Мана энг оддий ва безарар усули

Бюджетни режалаштириш — молиявий муваффақият гарови, бироқ бу зерикарли ва узоқ вақт талаб қиладиган иш, боз устига, бу бизга пулларимиз тугаб бораётганини ёдга солиб туради. Харажатларни режалаштиришнинг бошқа варианти ҳам бор. Forbes журнали бюджетни режалаштириш маркази Quad Cities идорасининг катта молиявий режалаштирувчиси Эндрю Сиверценнинг бу борадаги тавсиялари билан бўлишди.

Баъзан ҳатто бир ойлик бюджетни режалаштириш — бу маълум бир вақт бизга завқ бағишлаган, бироқ амалда даромадларимизга тўғри келмайдиган харажатлар учун жазо. Бироқ молиявий воситаларимизни назорат қилишнинг нисбатан безарар бошқа бир усули мавжуд. У молиявий маслаҳатчи Марти Кёрц томонидан ишлаб чиқилган. Кёрц одамлар пулларни одатда уч тоифага бўлишини кузатди: эски мажбуриятлар, кундалик харажатлар ва келгусидаги эҳтиёжлар. Даромадларни ушбу тоифалар бўйича тақсимлашни ўрганиб, ҳаётни бироз енгиллаштириш мумкин.

Тўловларни амалга оширишга сарфланувчи ва ўзингизга сарфлашингиз мумкин бўлган пулларни ажратинг. Бу “кўрпага қараб оёқ узатиш” имконини беради.

Қайд этилган харажатлар

Даставвал бундай харажатлар сизнинг йиллик даромадингизнинг ярмидан кўпини ташкил қилишига ишонч ҳосил қилинг. Шу суммадан келиб чиқиб, қандай уй ёки машина сотиб олишни, қандай хизматлар муҳимроқ экани борасида бир қарорга келиш мумкин. Қолган икки тоифага қанча пул қолиши шунга боғлиқ.

Мослашувчан харажатлар

Бу кундалик харажатлар: озиқ-овқат маҳсулотлари, бензин, ўйин-кулги, шахсий буюмлар ва ҳ.к. Бу тоифага даромадларингизнинг тахминан 30 фоизи ажратилиши  керак. Бир йилда қанча пул сарфлашингизни ҳисоблаб, уни 52 (бир йилдаги ҳафталар сони)га бўлинг. Шунда бир ҳафта учун зарур сумма келиб чиқади.

Келгусидаги харажатлар

Мазкур тоифа даромадларнинг тахминан 20 фоизини ташкил қилиши керак. Унга пенсия жамғармалари, саёҳатга ажратилган пуллар, тиббий харажатлар ёки таъмирлов. Буларнинг ҳар бирига муайян ҳисоб рақами очиш ва йиғилган пуллардан келиб чиқиб, уларни нимага сарфлаш борасида бир қарор чиқарасиз. Келажак учун шундай ҳисоб рақамларига эга бўлсангиз, бировдан қарз олишга ёки кредит карталардан фойдаланишга тўғри келмайди.

Анъанавий ойлик бюджетни тузишдан фарқли ўлароқ, бу тизимни қайта кўриб чиқишга деярли ҳожат йўқ. Иш ҳақингиз ҳажми ўзгарганда ёки қандайдир катта харидни режалаштирсангиз, унга тузатиш киритиш керак, холос. Кундалик ҳаётда эса хариднинг қайси тоифага мансублигини аниқлаш ва унга пул сарфлаш ё сарфламаслик борасида бир қарорга келишгина қолади.

Мақола xabardor.uz сайтидан олинди

Бўлишинг:

Муҳаррир танлови

Одатлар иқтисодиёти: янгиликни қўллаш нега бунчалар оғир

Аксарият кундалик хатти-ҳаракатларимиз одат тусига кирган. Ҳаётимиз ўз қўлимизда, деб бонг урсак-да, одатга айланган юриш-туришимизни ўзгартириш ниҳоятда машаққатли кечади. ...

Президент барча турдаги товарлар бўйича экспорт божхона божларини бекор қилди

Президент Шавкат Мирзиёевнинг 15 декабрдаги фармонига биноан барча турдаги товарларга экспорт божхона божлари ва товарларни экспорт қилишни лицензиялаш бекор қилинди. ...

Ўзбекистондаги иккала шакар заводи ҳам банкротлик ёқасига келиб қолди

Ўтган йилнинг ноябрида ўз фаолиятини вақтинча тўхтатган Хоразм ва Тошкент вилоятидаги шакар заводлари бутунлай ёпилиши мумкин. Ишчиларини ўз ҳисобидан 2 ойлик таътилга ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400