Бошқа мавзулар
Исроил парламенти 19 июль куни “Давлатнинг яҳудийча характери тўғрисида”ги қонунни қабул қилди. Мазкур қонунда Исроил “яҳудий халқининг миллий ватани” сифатида белгилаб берилган.
Haaretz газетасининг билдиришича, қонунни қўллаб 62 депутат овоз берди, 55 депутат қарши чиқди, икки нафар депутат бетараф қолди.
Қонунда, шунингдек, “яҳлит Қуддус” Исроил пойтахти деб эълон қилинган, иврит расмий тил сифатида белгиланган.
Қонуннинг яна бир моддасида “давлат яҳудий қишлоқларини ривожлантиришни миллий қадрият сифатида кўради ва бундай қишлоқларнинг яратилишини ва консолидациясини рағбатлантиради”, деб таъкидланган.
Қонун лойиҳаси парламентга 2014 йилда тақдим этилган эди. Лекин ўшанда Исроилнинг 8 миллион аҳолисидан 20 фоизини ташкил қилувчи араблар кескин норозилик билдирган эдилар.
Манба: Ozodlik.org
