Ирландиянинг Оокла компаниясига тегишли Speedtest.net интернет-сервиси июль ойи якунлари бўйича дунёдаги симли ва симсиз интернет тезлиги бўйича маълумотлардан иборат Speedtest Global Index ойлик рейтингини эълон қилди.
Мобил интернет тезлиги бўйича биринчи ўринни 62.63 Мбит/сония кўрсаткич билан Қатар давлат эгаллаган. Ўзбекистон тўрт поғона юқорилаб, 9,60 Мбит/сония кўрсаткич билан 110-ўринни эгаллади. Тожикистон эса 5.02 Мбит/сония кўрсаткич билан охирги 124-ўринда. Шунингдек Қирғизистон уч поғона юқорилаб 14.37 Мбит/сония кўрсаткич билан 95-ўринда. Қозоқистон ҳам уч поғона юқорилаб 21.56 Мбит/сония кўрсаткич билан 62-ўринда.
Симли интернет тезлиги бўйича эса Сингапур 181,47 Мбит/сония етакчи бўлиб қолмоқда. Ўзбекистон симли интернет тезлиги бўйича етти поғона кўтарилиб, 8,57 Мбит/сония тезлик билан 119-ўринда жойлашди. Қирғизистон бир поғона ўталиб, 17.81 Мбит/сония билан 83-ўринда. Қозоғистон бўлса 27.54 Мбит/сония билан (57-ўрин) бир поғона пастга тушиб, ўз ўрнини 56 поғона юқорига кўтарилган Парагуайга бўшатиб беришга мажбур бўлди.