Қирғизистон парламентининг депутати Қамчибек Жўлдўшбаев Норин вилоятининг От-боши туманида бўрилар кучайиб, маҳаллий мерганлар отиб улгура олмаётганини умумий мажлисда айтди.
Халқ вакили, унга маҳаллий аҳоли мурожаат қилиб, бўрилар кунига бешдан, бир ойда 150 га яқин йилқини овлаётганини маълум қилди.
“Бўриларга мерганларнинг кучи етмай, овул ҳукуматлари, ҳокимлар, губернаторлар чарчашди. Шунинг учун коррупция билан курашишдан тушган даромаднинг ҳисобидан вертолет олиб бериб қўйишса яхши эди. Вертолетдан туриб бўриларни отмайликми, улар бизга қариндош эмасда”, — деди депутат.
Жўлдўшбаев бу муаммони ҳукумат тез вақтда кўриб, бир қарор чиқарса яхши бўлишини таъкидлади.
Мирзоулуғбек Каримов