Бошқа мавзулар“Толибон” экстремистик ҳаракати жангарилари Қобул яқинидаги қизлар ўрта мактабини ёқиб юборди, деб Афғонистон ИИВнинг матбуот котиби Насрат Рахими маълум қилди. Унинг айтишича, толиблар ёқиб юборган қизларнинг лицейи пойтахтидан 25 км узоқликда Шакардара туманида жойлашган.
Афғонистон Таълим-тарбия вазирлигининг матбуот котиби Нурия Нузхатнинг маълум қилишича, ушбу қизлар лицейида 1700 нафар қиз таълим олган. Мактаб биноси ёнғин оқибатида жиддий зарар кўрган бўлиб, натижада 22 та синф хоналари шикастланган, минглаб мактаб дарсликлари ёниб кетган. Ҳозирда ўқув жараёни вақтинча тўхтатилди, дейди Нурия Нузхат.
Унинг қўшимча қилишича, бу терорчилар томонидан мактабларга қилинган биринчи ҳумум эмас, аввал ҳам бундай воқеалар учраб турган.
Мирзоулуғбек Каримов
