Бошқа мавзуларАмерикалик сенаторлар Россиянинг Украинадаги уруши туфайли Бирлашган Миллатлар Ташкилотининг (БМТ) Инсон ҳуқуқлари кенгашидан чиқариб юбориш учун АҚШнинг доимий вакили Линда Томас-Гринфилдга мактуб йўллади.
Сенатнинг Ташқи алоқалар кенгаши раҳбарлари Боб Менендез ва Жим Риш бошчилигидаги 12 сенатор Линда Томас-Гринфилдга мактуб йўллади.
Линда Томас-Гринфилдни БМТ Бош Ассамблеясига Украинадаги уруши туфайли Россияни БМТ Инсон ҳуқуқлари кенгашидан чиқариб юбориш тўғрисидаги резолюцияси лойиҳасини тақдим этишга чақирган мактубда:
“Бинолар, шифохоналар ва мактаблар бомбардимон қилинганига ва қочишга уринган бегуноҳ одамларнинг ўлдирилганига гувоҳ бўлдик. Россиянинг жиноятлари Россия маъмуриятининг инсон ҳуқуқларини ҳимоя қилиш нияти йўқлигини кўрсатмоқда. Шу нуқтаи назардан, Россиянинг бутун дунё бўйлаб инсон ҳуқуқларини ҳимоя қилиш ва тарғиб қилиш мажбуриятини олган ташкилотдан фойдаланишига йўл қўймаслик ҳақида ўйлаш вақти келди» деб ёзилган.
Мактубда айтилишича, Бирлашган Миллатлар Ташкилотининг Инсон ҳуқуқлари бўйича кенгаши аъзоси “кенг миқёсда ва тизимли равишда қонунбузарликлар содир этилган тақдирда” Бирлашган Миллатлар Ташкилоти Бош Ассамблеяси аъзоларининг учдан бир қисми томонидан Кенгашдан чиқариб юборилади.
