Бошқа мавзуларҚирғизистон Миллий хавфсизлик давлат қўмитаси фуқароларни Z белгиси бўлган ҳарбий кийимни ижарага бермасликка чақирди. Шаҳар аҳолисини 9-май – Иккинчи жаҳон урушидаги Ғалаба куни муносабати билан ўтказилаётган “Ўлмас полк” юришида бундай ҳарбий либосларни кийиб юрмасликка чақирди.
Маҳсус хизматнинг матбуот хизмати 21-апрель куни эълон қилган баёнотида миллий адоватни қўзғатишга уриниш қонун билан жазоланиши ҳақида огоҳлантирилган.
Маълумотлар ижтимоий тармоқларда 9-май арафасида Z белгиси бўлган ҳарбий кийимларнинг рекламалари тарқатилиб, жамоатчиликнинг қизғин муҳокамасига сабаб бўлгани қўшимча қилинган.
Z ва V ҳарфлари Украинага бостириб кирган рус машиналарида чизилган. Кремлпараст тарғиботчилар уларни «махсус операция» рамзи деб аташади.
