Бошқа мавзулар9-май куни Варшавада Россия элчисига ҳужум уюштирилди. Сергей Андреев Қизил Армия аскарлари ёдгорлиги пойига гул қўяр экан, Украина байроғини кўтарган бир неча киши «фашистлар» дея ҳайқириб, унинг ва унинг атрофидагиларнинг устига қизил бўёқ сепдилар. Ўша дақиқаларни тасвирга олган бир қанча манбалар видеони эълон қилди.
Андреев жиддий жароҳат олмаганини, бунга элчихона норозилик билдиришини айтди. Россия Ташқи ишлар вазирлиги матбуот котиби Мария Захарова “неонацизмнинг мухлислари яна бир бор ўзларининг ҳақиқий қиёфаларини кўрсатишди”, “Ғарб фашизмни қайта тиклаш йўлига ўтди”, дея изоҳ берди.
Польша Россиянинг Украинага бостириб киришига нисбатан кескин позицияни эгаллаб келмоқда. Уруш бошланганидан бери 3 миллиондан ортиқ украиналик қочқин мамлакатда жон сақлаб келмоқда.
