Бошқа мавзуларУкраина Россия қўшинлари томонидан босиб олинган барча ҳудудларни қайтариш учун курашни давом эттираверишини мамлакат президенти Владимир Зеленский 7-июнь куни украин аскарлари мамлакат шарқдаги Северодонецк шаҳрида шиддатли жангларни давом этаётган бир пайтда айтди.
Украина томони сўнгги сутка давомида Донецк ва Луганск вилоятларида рус аскарлари 16 та аҳоли пунктини ўққа тутганини, Украина қўшинлари эса уларнинг 11 та ҳужумига жавоб қайтара олганини маълум қилди.
Аввалроқ Зеленский рус қўшинлари ва қуроллари сезиларли даражада кўпайганига қарамай, Северодонецкда рус қўшинларига қаршилик кўрсатаётганини айтган эди.
Луганск вилояти губернатори Сергей Гайдай Северодонецк марказида Украина қўшинлари оғир аҳволда экани, бироқ шаҳар Москва назорати остида эмаслигини айтган ва Северский Донецк дарёси бўйидаги Лисичанск шаҳри ҳужум остида қолганини билдирган.
Таҳлилчиларнинг айтишича, агар Россия ҳарбийлари ҳозир Украина назорати остида бўлган икки стратегик шаҳарни эгаллаб олса, бутун Луганск вилояти Россияга ўтади.
