Бошқа мавзуларРоссия ташқи ишлар вазири Сергей Лавров Донбасс ва Украинанинг бошқа минтақаларида тинч аҳолининг ўлими учун Ғарб жавобгар эканлигини айтди.
Вьетнам пойтахти Ханойда хизмат сафари билан бўлган Сергей Лавров Вьетнам ташқи ишлар вазири Буи Тхань Сон билан учрашувдан сўнг журналистларнинг саволларига жавоб берди.
Ғарб давлатларининг Украинадаги уруш туфайли Россияга қарши санкциялар қўйганига диққат қаратган Лавров, Вьетнамнинг ушбу санкцияларда иштирок этмаганлигини ва буни қадрлаганликларини билдирди.
Россиянинг Белгород ва Курск шаҳарларига ҳужуми мавзусига тўхталган Лавров, Украина ҳукуматининг «Ғарб давлатларининг Украинага қурол етказиб беришини тўхтатиш учун рус армияси ўз шаҳарларига ҳужум қилди» деган сўзларини изоҳ берди.
Лавров: «Улар ёлғон гапираяпти. Бу ҳақдаги фактлар маълум ва Россия Мудофаа вазирлиги уларни ҳар куни кўрсатмоқда», — деди у.
Россиянинг вазири, «Ғарб айниқса, Донбас ва Украинанинг бошқа минтақаларида тинч аҳолининг ўлими учун жавобгар эканлигини тушуниши керак. Киев маъмурияти бу ерда тинч аҳолига қарши Ғарб етказиб берган қуроллардан қўрқитиш воситаси сифатида фойдаланмоқда. Бу давлат терроризми», деди у.
