Қозоғистон ва Ўзбекистон таълим тизимида ҳамкорлик қилади

Ўзбекистон Олий ва ўрта махсус таълим вазири Ином Мажидов Қозоғистоннинг Ўзбекистондаги Фавқулодда ва мухтор элчиси Эрик Ўтембоев билан учрашувдан кейин Ўзбекистондаги олий ўқув юртлари яқин келажакда мутахассис тайёрлашда Қозоғистондаги таълим муассасалари билан ҳамкорлик ўрнатишга шай эканини билдирди. 

Икки давлат ҳозирда кучли талабга эга нефть кимёси ва агросаноат тармоқлари учун мутахассислар тайёрлашга алоҳида эътибор қаратмоқда.

Ёшларни ўқитиш билан чекланиб қолмасдан, профессор-устоз таркиби орасида алоқаларни кучайтириш кўзланмоқда.

Яқин кунлар ичида Қозоғистондаги олий ўқув юртлари базаларининг бирида технопарк қурилади. Шунингдек, дипломларни тан олиш механизми осонлаштирилади.

“Дипломларни тан олиш, стратификациялаш стандарт чора-тадбирларга эга. Бу масалада кўп қийинчиликлар бўлмайди. Қозоғистон ва Ўзбекистон ўқув масканларида таҳсил олувчиларни иш билан таъминлаш ҳам қийин кечмайди”, – дейди Ином Мажидов.

Ҳозирнинг ўзидаёқ тахминан 20 га яқин илмий муассасаларда ўзаро ҳамкорлик тўғрисидаги шартномалар имзоланган. Яқин кунларда ҳамкорлик ўрнатган икки давлат олий ўқув юртларида ахборот марказлари очиш кўзланган.

“Бу борада қўшма илмий ишларга алоҳида эътибор қаратилади. Қозоғистон ҳам, Ўзбекистон ҳам нефть кимёси, аграр секторларда катта тажрибаларга эга”, – деди Қозоғистоннинг Ўзбекистондаги Фавқулодда ва мухтор элчиси Эрик Ўтембоев.

Бу, албатта, яхши ташаббус. Бироқ, бу борада муаммолар кўп. Ана шундай муаммолар сирасига ҳар иккала давлатда таълим тизимида кенг қулоч ёзган коррупцияни киритиш мумкин.

Таълим тизимида порахўрликка барҳам берилмасдан туриб, малакали кадрлар етиштириш қийин.

Шунинг учун коррупцияга қарши курашда ҳамкорликда ишлаш чора-тадбирлари ишлаб чиқарилмоғи даркор. Акс ҳолда кўзланган натижаларга эришиш амримаҳолдир.

Муаллиф: Рўзибой Азимий

Бўлишинг:

Муҳаррир танлови

Фин кўрфази соҳилида ўзбекнинг жасади топилди

Ўзбекистоннинг Санкт-Петербург шаҳридаги (Россия) Бош консулхонаси 2019 йилнинг 19 сентябрь куни Фин кўрфази соҳилида Ўзбекистон фуқароси Г.О.нинг жасади топилгани тўғрисида ...

Суд тошкентлик криминал етакчисини барча моддалар бўйича оқлади

Аббосхон Хўжаев. Uznews.uz сайти фотоси Тошкентнинг жиноят ишлари бўйича Олмазор туман суди криминал оламида машҳур бўлган Аббосхон Хўжаевни унга қўйилган барча айблов ...

Бекобод туманидаги ёнғинда эр-хотин ва уларнинг 2 ёшли фарзанди ҳалок бўлди

2019 йилнинг 28 май куни соат 03 дан 41 дақиқа ўтганда Тошкент вилояти Бекобод тумани ЁХБ диспетчерлик хизматига Бобур фермерлар уюшмаси, Маърифат кўчаси 2-уйда ёнғин содир ...