Лотин алифбосига ўтиш нега кечиктирилмоқда?

Лотин алифбосига ўтиш нега кечиктирилмоқда?

Маълумки, қўшни Қозоғистонда жорий йилнинг 27 февралида лотин ёзувига асосланган қозоқ алифбосига ўтиш тўғрисидаги қонун қабул қилинди. Қозоғистондаги бошқа катта-кичик шаҳарларни билмадиму, лекин қадимий Туркистон шаҳрида бўлган чоғимда мазкур шаҳарда лотинлаштириш кучайганини яққол сездим.

Айни кунларда давлат муассасалари биноларига осилган ташкилоту идоралар номларигина эмас, балки шаҳардаги савдо-сотиқ комплекслари, шоҳобчалар номлари ҳам лотин ёзувига ўгирилаётганига гувоҳ бўлдим.

Бундан ташқари, айрим Қозоғистон телеканаллари номлари ҳамда кадрдаги ёзувлар, шунингдек, қозоқ тилида чоп этиладиган кўпгина газета ва журналлар номлари лотин алифбосида берилаётганига кўзим тушди.

Бундан 25 йил олдин лотин алифбосига ўтган Ўзбекистонда эса бунинг акси ўлароқ ҳозирда кирилл алифбоси қаддини ростламоқда.

Ҳолбуки, Қозоғистон Республикаси ҳукуматининг қарорига кўра лотин ёзувига асосланган қозоқ алифбосига 2025 йилга қадар босқичма-босқич ўтиш таъминланиши керак. Бироқ бу борада темп худди ҳозиргидек тезкорлик билан давом этадиган бўлса, у ҳолда Қозоғистон лотин ёзувига асосланган ўзбек алифбосига ўтишни 1993 йил 2 сентябрда расмийлаштирган Ўзбекистонни худди иқтисодиётда бир неча баравар орқада қолдиргани каби бу соҳада ҳам жиддий тарзда ортда қолдириши эҳтимолдан ҳоли эмас.

Боз устига, Шавкат Мирзиёев давлат тепасига келгандан кейин ҳам мамлакатимизда лотин ёзувига асосланган ўзбек алифбосига ўтиш ишларида туб ўзгаришлар содир этилганига, ушбу мавзу ҳукумат доирасида бирон марта очиқ тарзда кенг муҳокама қилинганига гувоҳ бўлмадик. Аксинча, сўнгги бир-икки йил ичида кирилл алифбосига қайтиш тенденцияси кучайди.

Ҳукуматимизнинг ўзбек халқини 25 йилдан бери алифбога доир масалаларда икки ўт орасида қолдиришидан кўзда тутган мақсади нима экани ҳам ҳалигача тушунарсизлигича қолмоқда.

Муаллиф: Рўзибой Азимий

Бўлишинг:

Муҳаррир танлови

“харомерлар” номли мақолам интернет сайтларида чиққандан сўнги ҳангомалар.

Мақолани сайтларда чоп этилгандан кейин, орадан бир кун ўтмасдан менга қишлоқдошим, посбон, Намоз аканинг ўғли Нормурод телефон қилиб қолди. “Интернетда чиққан мақолангиз ...

Ўзбекистон: ҳар бир хонадонга тегишли “истеъмол саватлари” қачон  тўлиқ  бўлади?

Ҳурматли ва азиз Ватандошлар! Муҳтарам Юртдошлар!  Ҳеч биримизга сир эмаски, Мамлакатимизда йилдан-йилга тоборо оғирлашиб бораётган иқтисодий танглик ҳолати  ёшидан ва ...

Ўзбекистонда партиялар туссиз, бир-бирига ўхшаш бюрократик идоралар бўлиб қолган

Анча йиллар олдин, бакалаврни битиргандан кейинги илк йилларда бошим айланиб “Миллий тикланиш” партиясига иш қидириб бориб қолгандим. Бир кунлик амалиётдан сўнг мени марказий ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400