Эрдўғанга “суиқаст” уюштирилиши ҳақидаги фильм режиссёри ҳибсга олинди 

7 сентябрда туркиялик кинорежиссёр Али Авчи “Уйғониш” бадиий фильмида террорчиликни тарғиб қилгани учун жазоланди. Бу ҳақда Reuters ахборот агентлигига асосланиб Кун.Уз. нашри хабар берди. 

Эрдўған ҳақидаги Раис фильми

Ушбу фильмда 2016 йил июлда Туркияда содир этилган давлат тўнтарувига уриниш агар амалга ошганда нима бўлиши ҳақида сўзланган бўлиб, унда Туркия президенти Ражаб Тоййиб Эрдўған ва унинг оиласи ўлдирилади.

Авчи фильмнинг трейлери чиққандан кейин ҳибсга олинган. Фильм сюжетига кўра, зобит Эрдўған ибодат қилаётганда унинг гарданига ўқ узади. Сценарий бўйича, Эрдўғаннинг бутун оиласи, жумладан унинг куёви – Туркия молия вазири Барат Албайроқ ҳалок бўлади.

Истанбул суди Авчини Фатҳулла Гулен ташкилоти билан ҳамкорликда айблаб, 6 йил 3 ойга озодликдан маҳрум этган. Туркияда тўнтарувга уринишни ташкиллаштириш ортида айнан Гулен ва унинг тарафдорлари турган, деб ҳисобланади.

Суднинг фикрича, Авчи фильм орқали жамиятда “террорчилик ташкилоти” ғоясини тарғиб қилишга ҳаракат қилган. Судланувчи Эрдўғаннинг ўзи ҳам исёнчиларнинг нишони бўлгани ҳақида айтганини таъкидлаб, ўзига қўйилган айбловни рад этган. У ўзини оқлаш мақсадида агар террорчиликни тарғиб қилишни истаганда Эрдўғанни ўлдирилган эмас, балки мамлакатдан қочган кўринишда акслантирган бўлишини айтган.

“Бу фильм агар тўнтарув амалга ошганда нима бўлиши ҳақида. Мени Эрдўғанга тўппонча ўқталган саҳна учун жазолашмоқда. Бироқ исталган одамдан сўранг, тўнтарувдан мақсад Эрдўған бўлган, буни президентнинг ўзи ҳам айтади. Агар мен террорчиликни тарғиб қилганимда Эрдўғанни ибодат қилаётган ҳолда эмас, балки қочиш режасини тузаётган ҳолда кўрсатардим. Агар мен яширин мурожаат қилишни истаганимни исботлай олишса, мен умрбод қамоққа боришга тайёрман”, деб айтган Авчи.

Туркияда 2016 йил 16 июлга ўтар кечаси ҳарбий тўнтарувга уриниш амалга оширилганди. Асосий тўқнашувлар Анқара ва Истанбулда кечган. Воқеа оқибатида 240 дан кўпроқ одам ҳалок бўлган, 2 мингдан кўпроғи жароҳат олган. Исённи бостиришга муваффақ бўлинган.

Исёндан кейин Туркияда 50 миндан кўпроқ одам ҳибсга олинган, 160 мингдан кўпроқ давлат хизматчиси ўз ишидан бўшатиб юборилган.

 

Бўлишинг:

Муҳаррир танлови

Энди қирғизистондаги барча масжидларда жума маърузалари қирғиз тилида айтилади

Қарорни бажарилишини муфтият, вилоят, туман ва шаҳар имомлари назорат қилишади. Фото:Спутник Бундан кейин диний иш қоғозлари ва жума маърузалари қирғиз тилидагина ...

Петербургда ўзбекнинг ўз жияни қотилига айланди

11 октябрь куни Россиянинг Калинин туманида 2 ўзбекистонлик ўзаро жанжаллашган ва оқибатда улардан бири ҳалок бўлган. Бу ҳақда Ўзбекистоннинг Санкт-Петербург шаҳридаги бош ...

Каримовнинг хатолари бартараф этилмоқда

Бугун 17 октябрь 2017 йилда Тошкент вилоят ҳокимлигида бир гуруҳ фуқаролиги йӯқ шахсларга, яъни собиқ СССР ватандошларига Ӯзбекистон фуқаролик паспорти тантанали равишда ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400