«YouTube жуда керак бўлиб қолса, Қозоғистон билан чегарага бориб, ўша ерда 4G’ни тутяпмиз». YouTube’нинг ишламаётгани Ўзбекистондаги маҳаллий бизнесга халал беряпти

«Билайн Ўзбекистон» call-марказларига октябрь ойи бошидан бери: «Эй, YouTube нега очилмаяпти? Нега яхши очилмаяпти?», қабилида 30 мингта мурожаат келиб тушган (агар шу масала юзасидан биргина «Билайн»га шунча мурожаат тушган бўлса, Президент порталига ҳам бирорта кетган бўлса керак). Шундан кейин «Билайн» раҳбарияти Ўзбекистон АКТ вазирлиги ҳузуридаги алоқа соҳасини назорат қилувчи инспекцияга сўров йўллагани ҳақида аввал ёзгандик.

«Биз YouTube’га киришда муаммолар юзага келиши билан боғлиқ вазиятдан хавотирдамиз, чунки ушбу видеохостинг бизнинг интернет-трафикимизда сезиларли даражада катта улушга эга. YouTube’нинг ҳар қандай даражада чекланиши Интернетдан фойдаланишнинг дарҳол қисқаришига ва, оқибатда, провайдерларнинг даромадлари камайишига сабаб бўлади, тармоқ фойдаланувчиларининг асаббузарликлари ҳақида-ку гапирмаса ҳам бўлади», — дейди «Билайн Ўзбекистон» бош директори Дмитрий Шуков Spot’га берган интервьюсида.

 

«Инспекция ходимлари вазиятни ҳар томонлама ўрганиб, унинг сабабларини ва YouTube сервиси деградацияси учун жавобгарларни аниқлаш чораларини кўриб, истеъмолчилар — абонентларнинг ҳуқуқлари очиқчасига бузилишига барҳам беради, деб умид қилгимиз келади», — дея қўшимча қилди Шуков.

 

YouTube’нинг ишламаслиги фақат «Билайн»га ўхшаш алоқа операторларини даромаддан маҳрум қилаётгани йўқ, бошқа компанияларга ҳам ноқулайлик туғдирмоқда. «Оддий нарса — мижозлар учун видео юклай олмаяпмиз. VPN’дан фойдаланяпмиз, лекин тезлик жуда паст. Мени омадим келди: YouTube айни зарур вақтда Қозоғистонда эдим, у ерда 4G’да YouTube’дан чексиз фойдаланиш имконини беришади. Агар жуда керак бўлиб қолса, чегарада 4G’ни тутиш мумкин», — дейди VRonica студияси асосчиси Акмал Солиҳов.

Манба: Daryo — LIVE

Бўлишинг:

Муҳаррир танлови

Боғча мудираси ойдан тушганми?

Бугун Маҳмуджоннинг онаси шахсий саҳифасида пост қолдирган экан. Гўёки ота-оналар келишиб, "Хайр боғча" тадбирига 100 минг сўмдан пул йиғилаётгани, бунинг ичига боғчага ...

Биз чинакам хақпарвар сиёсий партия тузишимиз керак !!!

Хозирги кунга келиб жамиятда порахўрлик, халқ мулкини талон – тарож қилиш, коррупция, қариндош – уруғчилик, таниш – билиш орқали юқори лавозимларга тайинланиш жамиятда оддий ...

Марҳамат тумани прокурори ёрдамчиси ярим тунда маст ҳолатдаги пиёдани уриб юборди

25 апрель соат тахминан 23:00 да Марҳамат туман прокурорининг катта ёрдамчиси Б.П. бошқарувидаги Nexia русумли автомашинасини «Марҳамат—Асака» транспорт қатнов йўлининг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400