Бошқа мавзуларУйчи тумани ҳокими туман халқ таълими бўлими мудиридан мактаблардан бир нафардан мавсумий ишчиларни Тошкент вилоятига пахта теримига юборишни талаб қилган. Бу ҳақда «Turon24” нашри ХТВ ахборот хизматининг маълумоти асосида хабар бермоқда.
Ҳоким туманнинг барча мактаб директорларини тўплаб беришни ва улар билан суҳбатлашишини айтган. Мактаб директорлари билан учрашув давомида туман ҳокими пахта теримига бир нафардан ходим чиқишини таъминлашни топширган.
Уйчи тумани халқ таълими бўлими мудири (Шуҳрат Муродов) мактаб раҳбарларига ҳокимнинг топшириғини бажармасликни айтган ва мажбурий меҳнатнинг олдини олган.
2018 йил 2 август куни Наманган вилояти Уйчи туманида тўртта сектор раҳбари ўз вазифаларидан озод этилганди. Туман ҳокими Абдуғани Турдиев ўрнига 14 август куни Муҳаммадаюбхўжа Апақов вақтинча тайинланганди.
