Бошқа мавзулар
АҚШ Конгрессининг Вакиллар палатаси мамлакат Украинага 1 миллиард доллар миқдорида иқтисодий ёрдам кўрсатиши тўғрисидаги қонун лойиҳасини қабул қилди, дея хабар бермоқда Reuters ахборот агентлиги.
Ушбу қонун лойиҳаси, шунингдек, «Украинадаги инсон ҳуқуқлари поймол этилиши ёки Украинанинг суверенитети ва ҳудудий яхлитлигига дахл қилувчи ҳаракатларга» алоқадор дея гумон қилинаётган Россия фуқароларига нисбатан санкциялар жорий этилишини ҳам кўзда тутади.
Қайд этишларича, санкциялар Украинадаги коррупция ҳолатларига алоқадор бўлганларга нисбатан қаратилган.
378 нафар конгрессмен қонунни маъқуллаб овоз берди, 34 нафари унга қарши чиқди. Сенат ва Конгресс томонидан маъқулланган ушбу қонун энди имзолаш учун АҚШ президенти Барак Обамага юборилади.
