Хитой Ўзбекистонда гўшт-сут кластерини ташкил этишга 100 миллион доллар ажратади

Хитойнинг DELMOR компанияси Жиззах вилоятида гўшт-сут кластерини ташкил этиш учун 100 млн. доллар сармоя киритади. Бу Вазирлар Маҳкамасининг тегишли қарорида кўрсатиб ўтилди, деб ёзади “Халқ сўзи” нашри.

Янги агросаноат иншооти йилига 2,5 тонна гўшт етказиб беради. Бу ерда йирик шохли чорва сони 10 минг бошга етади.

Ўзбекистонда ушбу лойиҳани амалга ошириш доирасида Jizzax organic хориж корхонаси тузилди.

Кластер 2023 йилга келиб тўлиқ қувват билан ишлаши режалаштирилган. Бу ерда ўзи озуқа ишлаб чиқарадиган, кушхонаси ва биогаз ускуналарига эга замонавий чорвачилик мажмуи яратилади.

Хитой томони мингта иш ўрни яратиш, фақат замонавий қишлоқ хўжалиги техникаси ва илғор агротехнологиялар, жумладан, ерларни лазер ёрдамида режалаштириш ва нолга тенг сеялкалардан фойдаланиш мажбуриятини ўз зиммасига олган.

Бундан ташқари, мазкур комплексда илмий асосланган тўрт йиллик алмашлаб экишдан фойдаланган ҳолда қишлоқ хўжалиги экинларининг ем-хашак навларини етиштириш ҳам ташкил қилинади. Ўз навбатида ернинг мелиоратив ҳолатини яхшилаш ва унумдорлигини ошириш бўйича чора-тадбирлар амалга оширилади.

Хитой компанияси лойиҳасини амалга ошириш учун Зомин ва Зарбдор туманларидан 10,7 минг гектар майдон ер участкаси узоқ муддатга ижарага берилади.

Бўлишинг:

Муҳаррир танлови

2019 йилнинг рамазон ойи таҳминан 6 майда бошланади

Ўзбекистонда муқаддас Рамазон ойининг бошланиши янги ой чиқишига қараб 5 ёки 6 майга тўғри келади. Бу ҳақда Ўзбекистон мусулмонлари идораси хабар қилди. Рамазон ойи ...

Қишлоққа элтувчи йўллар қачон таъмирланади

Сиз тасвирларда кўриб турганингиз Қашқадарё вилояти Касби туман Қорахўжа қишлоғига элтувчи йўл. Ушбу йўлдан Касби туман амалдорлари бир марта ҳам ўтмаса керак, дея ўйланиб ...

Омонулла мадаев вафот этди

2 март куни таниқли фольклоршунос олим, филология фанлари номзоди Омонулла Мадаев вафот этди. Омонулла Мадаев 1942 йилнинг 20 майида Тошкент шаҳрида туғилган. 1964 йил ...