Тайлоқ туман ИИБ инспектори 60 минг доллар пора олганлиги сабаб узоқ муддатга қамоққа йўл олди

Жиноят ишлари бўйича Тайлоқ туман судида 60 минг доллар пора билан қўлга тушган Тайлоқ туман ИИБ инспекторининг жиноий ҳаракатлари юзасидан суд иши бўлиб ўтди. Бу ҳақда Kun.uz мухбири хабар қилмоқда.

Судланувчи А.С. Самарқанд вилоят Тайлоқ тумани ИИБ ҳуқуқбузарликлар профилактикаси бўлинмаси ички ишлар органлари таянч пунктлари профилактика катта инспектори вазифасида ишлаб келган.

У туман марказидаги 420-сонли милиция таянч пунктининг эски биноси ва бино ости ер майдонини харид қилишни бир неча шахсларга таклиф қилган. Жумладан, туманнинг «Чароғбон» маҳалласида яшовчи фуқаро Н.М. да катта миқдордаги пул маблағлари борлигига ишонч ҳосил қилганидан сўнг, мулкий наф кўриш мақсадида, хизмат мавқеидан фойдаланган ҳолда туман ИИБга қарашли ҳақиқий нархи 118 млн 377 минг 72 сўм бўлган 420-сонли милиция таянч пункти маъмурий биноси ва бино ости ер майдони 70 минг АҚШ доллари эвазига сотилаётганлигига ишонтирган.

Ушбу миқдордаги пул маблағларини мазкур мансабдор шахсларга берса, бинога ва бино ости ер майдонига эгалик қилиш ҳақидаги туман ҳокимининг қарорини чиқартириб, унинг номига расмийлаштириб беришни ваъда қилган. Шу тарзда жорий йил 15 май куни хизмат хонасида фуқародан 60 минг АҚШ долларини олган вақтда ашёвий далиллар билан ушланган.

Суд ҳукмига кўра, Ўзбекистон Республикаси Жиноят Кодексининг 28, 211-моддаси 3-қисми «а» банди билан айбли деб топилган А.С.га 13 йил озодликдан маҳрум қилиш жазоси тайинланди.

Бўлишинг:

Муҳаррир танлови

Чироқ бор, лекин ёқишга ҳақимиз йўқ…

Халқ депутатлари Пискент тумани Кенгашининг навбатдаги сессиясида Республика ишчи гуруҳи томонидан туманнинг ижтимоий-иқтисодий аҳволи, аҳолини қийнаб келаётган муаммолар ...

Ялпи ўзгаришнинг имкони бўлмаса, ҳар ким ўзини ислоҳ қилиш керак

“Kun.uz”нинг бу видеоси кеча кўтарган мавзуимизнинг давомини юзага келтирди. Мажбурий меҳнатга жалб қилинган ўқитувчилар ёрдам келганда “ўз ихтиёрим билан чиққанман” деб ...

Андижонда туғилган кунда 26 киши заҳарланди

8 октябрь куни соат 20:30 да Андижон туман юқумли касалликлар шифохонасига 4 нафар фуқаро кўнгил айниши, қайт қилиш, бош оғриши, умумий ҳолсизланиш, ич кетиши, ошқозон ...