Астраханда 25 нафар ўзбек қулликдан озод бўлди

Ўзбекистоннинг Ростов-на-Донудаги бош консулхонаси вакиллари Астрахан вилоятида 25 нафар Ўзбекистон фуқаросига паспортларини қайтариб олиш, ойликлари олиш ва Ватанга қайтишларида ёрдамлашди, дея хабар қилди Ташқи ишлар вазирлиги матбуот хизмати.

Ўтган ҳафта, 24 октябрь куни фуқароларнинг мурожаатлари муносабати билан Астрахан вилоятида сайёр қабул ўтказилди.

Консул Хўжабахлил Асомов ўзбек диаспораси раҳбари Баҳодир Аминов билан биргаликда иш берувчи томонидан паспортлари олиб қўйилиб, маошларини берилмаётган 25 нафар Ўзбекистон фуқароси билан учрашиш учун Харабали туманига ташриф буюрди.

«Олиб борилган ишлар натижасида ҳужжатлар қайтарилди ва пуллар тўланди, ватандошлар эса Ватанга юборилди», — дейилади ТИВ хабарида.

Сафар жараёнида бошқа қонунбузарликлар ҳам аниқланди. Бош консулхона текширув тадбирларини ўтказишни сўраб Астрахан вилояти ҳукумати органларига мурожаат қилишни режалаштирган.

Ташриф чоғида Бош консулхона вакили чет эл фуқароларининг вақтинча сақлаш ҳибсхонасига ҳам борди. У ерда 50 нафар Ўзбекистон фуқароси бўлиб туриш ва ишлаш тартибларини бузгани учун сақланмоқда. 11 кишига Ўзбекистонга қайтиш учун сертификатлар берилди.

Бўлишинг:

Муҳаррир танлови

Қобулдаги тўйда портлашда 182 киши яраланди, 63 киши ҳалок бўлди

Афғонистон пойтахти Кобулдаги тўйда содир этилган портлаш оқибатида 63 киши ҳалок бўлди, 182 киши яраланди. Бу ҳақда Tolo News нашрига таяниб, Кун.уз ёзмоқда. Портлаш содир ...

Ички  ишлар органларида ҳалигача иллатлар  авжида

2017 йил 20 октябрь куни Тошкент шаҳар Миробод тумани Ички ишлар бӯлимининг паспорт бӯлимига 4 кунлик оворагарчиликлардан кейин Ӯзбекистон Республикаси фуқаролиги бӯлмаган ...

Мақсад «пул шилиш»ми?..

Ўзбекистонни дунёнинг узоқ ва яқин давлатлари қанчалик билишади? Ўқитувчим жуда хуноб бўлиб бир воқеани айтиб берганди. Анча йиллар аввал Лондонга борганида бир англиялик ...