Макрон яна Франция президенти бўлиб сайланди

Франциянинг амалдаги президенти Эммануэль Макрон иккинчи турда ўзининг ўта ўнгчи рақиби Марин Ле Пенни мағлуб этиб, яна беш йилга лавозимида қолди.
100 фоизлик овозлардан сўнг Макрон 58,55 фоиз, Ле Пен эса 41,45 фоиз овоз олгани маълум бўлди.
44 ёшли Макрон сўнгги 20 йил ичида икки муддатга сайланган биринчи Франция президентига айланади. 53 ёшли Марин Ле Пен сайловга учинчи марта қатнашмоқда. У икки марта Макронга ютқазди.
Маълумотларга кўра, французларнинг 28 фоизи овоз бермаган: 1969 йилдан бери бундай оммавий бойкот бўлмаган. Бундан ташқари, иккинчи турда Ле Пен билан фарқ беш йил олдинги ғалабага нисбатан икки баробарга қисқарди, биринчи турда ўта ўнгчи икки номзодга сайловчиларнинг 30 фоизи овоз берган.
Макрон мамлакат иккига бўлинганини тан олиб, бутун халқнинг президенти бўлишга ваъда берди.
«Мен учун эмас, менинг ғояларим учун эмас, ўта ўнгчиларни сиқиб чиқариш учун овоз берганлардан қарздорман. Мен энди битта лагерга номзод эмасман, мен барчанинг президентиман», — деди Макрон.
Бўлишинг:

Муҳаррир танлови

G7 давлатлари россия газини рублда сотиб олишдан бош тортди

Ўтган ҳафта Россия президенти Владимир Путин табиий газини “дўстона бўлмаган мамлакатлар”га экспорт қилиш учун рус рубли билан савдо қилишни эълон қилган. Бироқ “Катта ...

Россия дўст бўлмаган мамлакатларга хомашё экспортини тақиқлади

Россия президенти Владимир Путин мамлакати санкция киргизган жисмоний шахслар ва компанияларга маҳсулотларни ва хомашё экспортини тақиқловчи фармонни имзолади. Путин ...

Россияда владимир путинга “қабр тоши” қўйган яна бир активист ҳибсга олинди

12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда ...