Қирғизистондаги мактабда ўрнатилган Ленин бюсти муҳокамаларга сабаб бўлмоқда

19-май куни Қирғизистон Республикасининг Иссиқкўл вилоятидаги мактабда Владимир Ильич Ленин бюсти очилди. Бу маълумотни таълим бўлими мудири Мақсат Асанқўжоев ҳам тасдиқлади.

Унинг сўзларига кўра, бюст ўрнатилган мактаб 22 йилдан бери Лениннинг номини сақлаб келмоқда. Мактаб директори пионерлик ҳаракатининг 100 йиллиги муносабати билан унинг бюстини тиклаган. Тадбирда туман таълим бўлими ходимлари, ўқитувчилар, ўқувчилар ва бир вақтлар пионерлик ҳаракатига аъзо бўлган қишлоқ аҳли иштирок этган.

Мазкур мактабда 1150 нафар болага 59 нафар педагог сабоқ бермоқда. Дарслар қирғиз ва рус тилларида олиб борилади.

Ижтимоий тармоқларда Ленин бюсти очилгани акс этган видео тарқалди. Интернет фойдаланувчилари воқеани танқид қилмоқда.

Собиқ ССРнинг барча мамлакатларида пионерлик ҳаракатлари бўлиб, унинг олдига ёш авлодни коммунистик партия руҳида тарбиялаш вазифаси қўйилган. 1922-йилда асос солинган пионерлик ҳаракатига 9 ёшдан 14 ёшгача бўлган ҳар бир совет ўқувчиси мажбурий турда аъзо бўлиб, қизил галстук тақиб олишар эди. Ундан кейин улар комсомоллар сафига ўтишган.

Бўлишинг:

Муҳаррир танлови

«чиройли» рақамлар учун марказий осиёдагилар қанча тўлашга тайёр?

2017 йилнинг 1 сентябридан Ўзбекистонда катта пул эвазига, жумладан, аукцион савдолари орқали маълум бир комбинациядаги ҳарфлар ва рақамларни танлаш имконияти тақдим этилди. ...

Ўзбекистондаги музей ва археологик ёдгорликлар ёнига ҳожатхоналар қурилади

Ўзбекистон Вазирлар Маҳкамаси 21 сентябрь куни археологик тадқиқотларни тубдан такомиллаштириш тўғрисидаги қарорни қабул қилди, дея хабар бермоқда Адлия вазирлигининг ...

Қор бору спортчи йӯқ

Кеча Жанубий Кореянинг Пёнчанг шаҳрида ХХIII қишки Олимпиада ўйинларининг расман очилиш маросими бӯлиб ўтди. (more…)