Украина Россия кучлари томонидан босиб олинган мингдан ортиқ қишлоқни озод қилди

Урушнинг 110-кунида Украина қуролли кучлари Россия кучлари томонидан босиб олинган Украинанинг мингдан ортиқ шаҳар ва қишлоқларини озод қилди. Бу ҳақда Украина президенти Владимир Зеленский тунги мурожаатида маълум қилди.

Аввалроқ у Россия қўшинлари Украинанинг 3 минг 620 қишлоғига кирганини, украин ҳудудининг 20 фоиздан ортиғини эгаллаб турган маълум қилганди. Озод қилинган қишлоқлар Житомир, Киев, Чернигов, Суми, Харьков ва Херсон вилоятларида жойлашган.

Президент Зеленский ўзининг янги мурожаатида агар Ғарб қуроллари тўлиқ етказиб берилса, улар Россия кучларини ортга чекинтиришини ва ҳатто Қримни ҳам озод қилишини айтди.

«Бизнинг олдинга силжишдан бошқа иложимиз йўқ. Биз бутун ҳудудимизни озод қилишимиз керак. Биз барча вилоятларимиздан босқинчиларни қувиб чиқаришимиз керак. Гарчи фронтимиз 2,5 минг километрга чўзилган бўлса-да, стратегик устунлик биз томонда бўлмоқда. Биз Украина байроғи туширилган ҳар бир шаҳар ва қишлоққа етиб борамиз. Биз бориб, ҳар бир уйга байроқларимизни ўрнатамиз», — деди Владимир Зеленский.

Россия кучлари Украинага 24-февралда бостириб кирди. Ҳозиргача Россия қўшинлари Украинанинг Донецк ва Луганск вилоятларининг катта қисмини, шунингдек, Херсон, Запорожье ва Харьков вилоятларининг бир қисмини эгаллаб олган. Донецк ва Луганск вилоятларида, жумладан Северодонецк ва Лисичанск шаҳарларида кучли ҳужумлар уюштирилмоқда. Москва 2014-йилда Украинанинг Қрим ярим оролини аннекция қилиб, ўзига қўшиб олган.

Бўлишинг:

Муҳаррир танлови

Россияда 500 хонадон олов ичида қолди

Сибирда ўрмон ёниб кетди. Тилсиз душман 800 дан ортиқ объектнинг кулини кўкка совурди. 8 киши ҳалок бўлди, 20 га яқин киши жароҳат олди. Бутун минтақада фавқулодда ҳолат ...

Украина: россия аскарларининг аксарияти чернобилни тарк этди

Украинанинг Чернобил АЭСини эгаллаб олган рус қўшинларининг аксарияти Беларус чегараси томонга чиқиб кетди. Бу ҳақда 31-март куни Украинанинг “Энергоатом” давлат компанияси ...

Япония россияга норозилигини билдирди

Япония "нодўст" давлатлар ва ҳудудлар рўйхатига киритилгани учун Россияга норозилик мактуби йўллади. Бу ҳақда Япония ҳукумати бош котиби Хирокадзу Мацуно матбуот анжуманида ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400