Мирзиёев Қирғизистон Ўзбекистоннинг иштирокисиз бирорта ҳам ГЭС қурмайди деб нимани назарда тутди?

Мирзиёев Қирғизистон Ўзбекистоннинг иштирокисиз бирорта ҳам ГЭС қурмайди деб нимани назарда тутди?

Ўзбекистон президентининг Бишкекдаги матбуот анжуманида Алмазбек Атамбаев Қирғизистон Ўзбекистонсиз бирорта ҳам ГЭС қурмаслиги ҳақида сўз берганини тилга олган.

 Унинг бу гапи айрим қирғиз фаоллари ва ижтимоий тармоқ фойдланувчилари ўртасида баҳсларга сабаб бўлди.

Энергетика бўйича эксперт Сагинбай Аргинбаев “Жалбирак” каналига “ўз вақтида бизнинг узоқни кўра олмайдиган сиёсатчилар шу сув орқали тиз чўктирамиз ёки устунлик қиламиз деб ўйлашган. Бу тўғри эмас эди. Шундай қилиб 25 йилни бекорга йўқотдик. Бугунги қарор ортидан эса катта-катта қўшни қатори яхши ишларга эришамиз” деб айтган.

Жамоат фаоли Эдил Байсалов эса Ш. Мирзиёевнинг сўзини турлича талқин қилиш мумкинлигини айтади.

Бизнинг миллий манфаатларимиз учун биз бу сўзнинг асл маъносини аниқлаб қўйишимиз керак. Биз Ақаев вақтида ҳам, Бакиев даврида ҳам Ўзбекистонга ГЭСларни бирга қуришни, уни икки томонлама фойдали эканини айтиб келаямиз. Бу Атамбаевнинг сиёсати эмас, олдиндан айтиб келинган гап.  Лекин, Ўзбекистон президенти бошқача айтяпти. Бизнинг иштирокимизсиз (буни яна бошқача, бизнинг рухсатимизсиз деб тушунса ҳам бўлади) бирорта ГЭС қурилмайди деяпти. Биз буни инкор қилишимиз кеак. Бу бизнинг эркимиз. Норин дарёси бориб, Сирдарёга айланади аммо, ўз худудимизда биз қанча хоҳласак шунча ГЭСларни қура оламиз деб, Мирзиёевнинг сўзини аниқлаштириб олиш мақсадида очиқ билдиришимиз керак. Акс ҳолда бу сиёсат келажакда  бизнинг миллий манфаатларимизга зид келиб қолиши мумкин.

Биз уларга балки биз сизларни ГЭС қурилишида иштирок этиш учун таклиф қилишимиз мумкин, балки чақирмаслигимиз ҳам мумкин. Сизларнинг рухсатинглар керак эмас, деб айтиб қўйишимиз керак”, – дейди Байсалов.

Аксарият қирғиз ижтимоий тармоқ фойдаланувчилари ҳам бу баёнотни Қирғизистон Ўзбекистондан рухсат олиб кейин ГЭС қуриши керак шаклида қабул қилишган.

Бўлишинг:

Муҳаррир танлови

Россияда ўзбек автомобиллари сотуви 56% га қисқарди

Россия бозорида “GM Uzbekistan” қўшма корхонасида ишлаб чиқарилган автомобилларга бўлган талаб шиддат билан пасайиб бормоқда. Европа бизнеси уюшмаси Автомобиль ишлаб ...

Самарқандда 4 нафар ўқитувчи шпаргалка сабаб тоифасидан айрилди

Самарқанд давлат университетида олий ва 1-тоифага даъвогар бўлган ўқитувчилар учун малака синовлари (тест) бўлиб ўтмоқда. Бу ҳақда «Зарафшон» газетаси ёзмоқда. – Онлайн ...

Ўзбекистон автоташувчилари туркияга 30 кун муддатга визасиз кириши мумкин

Туркия Ўзбекистон автоташувчилари учун 30 кун муддатга визасиз кириш тартибини жорий қилди. Бу ҳақда ТИВ матбуот хизмати маълум қилмоқда. Туркия президенти Ражаб Тоййиб ...