Бошқа мавзулар«Ювентус» Зинедин Зидан «Реал»га қайтганидан норози бўлди.
As нашри хабарига кўра, туринликлар клуби Зидан билан музокара ўтказган ва уни ёзда клуб бош мураббийи этиб тайинлашга қарор қилганди. Массимилиано Аллегри ёзда клубни тарк этиши кутилмоқда, деб ёзади Трибуна.уз сайти.
Зиданнинг номзоди менежмент вакиллари талаби билан мос келган, шунингдек, клуб футболчилари, хусусан, Криштиану Роналду томонидан ҳам маъқулланган. Ўз навбатида, «Реал» Аллегри номзодини кўриб чиқишни бошлаганди.
11 март куни «Ювентус» Зиданга 3 йиллик шартнома таклиф этаётгани ҳақида хабар тарқалганди. Аммо бир неча соат ўтиб, «Реал» унинг қайтишини эълон қилди.
Эндиликда, айни вақтда Франция терма жамоасини бошқараётган Дидье Дешам «Ювентус»га бош мураббий бўлиши кутилмоқда.
