Оқдарё туманида тарқатилган товуқ гўштида 157 турдаги микроб ва бактериялар аниқланди

Самарқанд вилояти Оқдарё туманининг «Улуғбек» МФЙда истиқомат қилувчи Умар Ортиқов махсус рухсатномасиз Ургут туманидан ўзи яшаётган туманга товуқ гўшти етказиш билан шуғулланиб келган. Бу ҳақда «Zarnews» хабар берди.

Иллюстратив фото:worldofmeat.ru

22 февраль куни у Лойиш шаҳридаги «Шарқ» кафесига бир неча қутида (бир қутида 18—20 та) товуқ гўшти олиб келган. Маҳсулотнинг сифатидан шубҳаланган кафе ходимлари уни олишдан бош тортгач, у гўштни шаҳарчанинг «Ўзбекистон» кўчасида жойлашган бошқа ошхонага олиб борган. Ошхона бекаси Баҳора Абдуҳамидова товуқ гўштини истеъмолга яроқсизлигини англаб, Истеъмолчилар ҳуқуқларини ҳимоя қилиш жамиятлари Самарқанд вилоят ҳудудий бирлашмасининг Оқдарё туман жамиятига шикоят аризаси билан мурожаат қилган.

Мурожаат туман ДСЭНМ, ВСЭ лаборатория ҳамда Истеъмолчилар ҳуқуқларини ҳимоя қилиш туман жамияти мутасаддилари иштирокида ўрганилган.

Парранда гўшти лаборатория текширувидан ўтказилганда, унда инсон саломатлигига зарар етказувчи 157 турдаги микроб ва бактериялар аниқланган. Тарқатилган парранда гўшти зудлик билан тегишли тартибда йўқ қилинган.

Ҳозирда тадбиркорга чора кўрилиши учун ҳужжатлар тайёрланиб, ҳуқуқни муҳофаза қилувчи идораларга юборилди.

 

Бўлишинг:

Муҳаррир танлови

Нўноқ ҳокимлар билан қаергача борамиз, жаноб президент?!

Бир пайтларда "Агар ҳаёт достон бўлса сўзи муаллим, Агар ҳаёт узук бўлса кўзи муаллим" деган ажойиб қўшиқ бўларди. Бундан ташқари, муаллимларга бағишланган сон-саноқсиз ...

Ўзбекистонда: туркистон  мухториятининг 100 йиллиги

23 февраль куни муҳташам  Амир Темур музейининг муҳим тадбирлар учун мўлжалланган  Қароргоҳида  тарихий анжуман бўлиб ўтди:      ТУРКИСТОН МУХТОРИЯТИНИНГ 100 ЙИЛЛИГИ!!! ...

Ақшдаги ўзбек қиз: “ўзбекларимиз учун америкаликлар кофир экан, лекин уларнинг ёрдам пули ҳалолми?”

Би-би-си АҚШда кўп йиллардан бери истиқомат қилаётган ёш аёлнинг мактубини эътиборингизга ҳавола қилмоқда. Мактубдаги фикрлар Би-би-синики эмас. АҚШ ҳукумати ўтган йил 4,500 ...