Туркия қимматчилик билан қандай курашмоқда

Туркия қимматчилик билан курашиш учун қўшимча тўловларни пасайтирди. Бироқ, маҳаллий тадбиркорлар ўзгаришларни дўкон пештахталарида киритишга шошилмаяпти.

Шу муносабат билан тегишли вазирликлар вакиллари томонидан махсус рейдлар ўтказилиб, қоидабузарларга жарима солинмоқда. Март ойида Туркияда истеъмол индекси 5,46 фоизга ўсиб, йиллик инфляция даражаси 61,14 фоизга кўтарилди. Бу ҳақда мамлакат Статистика институти маълум қилди. Бу йил энг юқори транспорт хизматларининг нархи 99% га ошган. Озиқ-овқат ва ичимликлар нархлари 70,3 фоизга, мебель 69 фоизга қимматлаган. Меҳмонхоналар ва ресторанларда нархлар ўтган йилга нисбатан 60 фоизга ошган.

Эмине Йигит, Паҳлава ресторани эгаси:

– Шакар, ун, ёғ каби барча зарур маҳсулотларнинг нархи қимматлади. Бундан ташқари, коммунал хизматлар ҳаддан ташқари кўпайиб кетди. Бу бизнинг маҳсулотларимизга ҳам таъсир қилди. Энди биз даромадни эмас, зарарни қоплашни истаймиз.

Президент Ражаб Тоййиб Эрдўғоннинг сўзларига кўра, қимматчилик бутун дунёда кенг тарқалган муаммо. Бироқ Туркия бу масалани қисқа муддатда ҳал қилади.

Ражаб Тоййиб Эрдўғон, Туркия Президенти:

– Энергетикадан тортиб озиқ-овқат, тоғ-кон саноати ва технология каби кўплаб соҳаларда нархларнинг ҳаддан ташқари ошиши бутун дунёда кенг тарқалган муаммодир. Туркия ишлаб чиқариш қуввати ва логистика жиҳатидан энг кам зарар кўрган давлатлардан бири.

Туркияда инфляцияга қарши кураш қизғин давом этмоқда. Масалан, мамлакатда қўшимча тўлов аҳоли эҳтиёжидан келиб чиқиб, 18 фоиздан 8 фоиз билан 1 фоизгача туширилди. Айни пайтда мамлакатимиздаги тегишли вазирлик вакиллари дўкон эгалари ушбу ўзгартиришни қай даражада ҳисобга олганини текширмоқда. Давлат имтиёзларини менсимай, нархни пасайтирмаганлар катта миқдорда жарима тўлайди.

Бўлишинг:

Муҳаррир танлови

Канада билан дания тарихдаги «энг тинч уруш»га нуқта қўйди

Оттавада Канада ва Дания ташқи ишлар вазирлари Мелани Жоли билан Йеппе Кофод Шимолий Муз океанидаги Ханс оролини бўлиш тўғрисидаги келишувни имзолади. Бу ҳақда Дания ташқи ...

Путин қозоғистондан аскар сўрамоқда

Россия қўшинлари Украинада катта талафот кўрганидан сўнг Владимир Путин иттифоқчиларидан ёрдам сўрай бошлади, деб хабар берди TCH телеканали. Украина президенти девони ...

Украина аскарлари россия чегарасига етиб келди

Украина Давлат чегара хизмати бўлинмалари Россия аскарларини Чернигов вилоятида қочириб юборган. Украина Қуролли кучлари “Шимол” операциясини муваффақиятли якунлаб, ...